„ევროპული საქართველოს“ გადაწყვეტილება, შევლენ თუ არა ახალი მოწვევის პარლამენტში, დღეს გახდება ცნობილი.

როგორც „ინტერპრესნიუსს“ პარტიაში განუცხადეს, ლიდერები გადაწყვეტილებას 2 ნოემბერს, 15:00 საათზე, საგანგებო ბრიფინგზე გამოაცხადებენ.

„ბრიფინგზე „ევროპული საქართველო“ გამოაცხადებს პარტიის გადაწყვეტილებასა და სამოქმედო გეგმას 2020 წლის საპარლამენტო არჩევნებთან დაკავშირებით“, - აცხადებენ პარტიაში.

შეგახსენებთ, რომ ცესკოს მიერ ამ დროისთვის გამოქვეყნებული მონაცემებით, „ევროპულ საქართველოს“ ხმა ამომრჩეველთა 3,78 %-მა მისცა. პარტია, დანარჩენ ოპოზიციურ სპექტრთან ერთად შედეგების ლეგიტიმურობას კითხვის ნიშნის ქვეშ აყენებს.