ანა დოლიძემ პროკურატურაში განცხადება შეიტანა და განაცხადა, რომ თამარ ჟვანიამ დიდუბე-ჩუღურეთის არჩევნები გააყალბა

დიდუბე-ჩუღურეთის დამოუკიდებელი მაჟორიტარი დეპუტატობის კანდიდატის, ანა დოლიძის განმარტებით, ცენტრალური საარჩევნო კომისიის თავმჯდომარე თამარ ჟვანიამ საკუთარი უფლებამოსილების ბოროტად გამოყენებით დიდუბე-ჩუღურეთის არჩევნები გააყალბა, რის გამოც მის წინააღმდეგ სისხლის სამართლებრივი დევნა უნდა დაიწყოს. ანა დოლიძემ ამ მოთხოვნით გენერალურ პროკურატურაში განცხადება შეიტანა.

მისი თქმით, გაყალბების მთავარი მიზანი ,,გია ვოლსკის გამარჯვება და ახალი ძალის დისკრედიტაციაა”.

,,დღეს აქ მოვედი იმისთვის, რომ მოვითხოვო ცესკოს თავმჯდომარის თამარ ჟვანიას სისხლის სამართლის პასუხისმგელობა, რომელმაც საკუთარი უფლებამოსილების ბოროტად გამოყენებით გააყალბა დიდუბე-ჩუღურეთის არჩევნები. გაყალბების ფაქტები ეხება საარჩევნო უბნების 80%-ს, გაყალბების მიზანი, რა თქმა უნდა, არის ბატონი ვოლსკის გამარჯვება და ახალი ძალის დისკრედიტაცია,” - აღნიშნა ანა დოლიძემ.

მისივე განცხადებით, ის გაერთიანებული ოპიზიციის აქციებს უერთდება.

„მე მივმართავ პროტესტის ორ ფორმას: სათითაოდ ახსნა-განმარტებებს მოვაცემინებთ საარჩევნო კომისიას სამართლებრივი მეთოდით, მოვითხოვთ უბნების გადათვლას და გაბათილებას. ამასთანავე, მივმართავ პროტესტის პოლიტიკურ ფორმას, ეს არის წნეხის ერთ-ერთი ფორმა, რომელიც ასევე ძალიან მნიშვნელოვანია”, - განაცხადა ანა დოლიძემ.

ალექსანდრე თვალჭრელიძე - თუ დაინიშნა რიგგარეშე საპარლამენტო არჩევნები, რისი ალბათობა რეალურია, 2024 წლის საპარლამენტო არჩევნების შედეგად ვერც ერთი პარტია გადამწყვეტ უმრავლესობას ვერ მოიპოვებს
ქართული პრესის მიმოხილვა 18.06.2021
ვიქტორ ყიფიანი - მოსკოვს ჰიბრიდულ-რევიზიონისტული საგარეო კურსის შესანარჩუნებლად სჭირდება ჟენევის მსგავსი ფორმატები, ძველი ან ახალი „წითელი ხაზების“ მონიშვნით საკუთარი და სხვისი ძალების მოსინჯვა
შვეიცარული პრემიუმ ბრენდი HORMETA უკვე ხელმისაწვდომია საქართველოში, ექსკლუზიურად PSP-ში
ვაშლის და საზამთრო-ნესვის არომატი – "სნო" ზაფხულს წყლის ახალი არომატებით იწყებს (R)
მოგზაურობა ძველ თბილისში და კულინარიული სამოთხე გურმანებისთვის - თბილისში უნიკალური სივრცე „ბაზარი“ გაიხსნა
ბინა განვადებით ლარში - „თეთრი კვადრატის“ ექსკლუზიური შეთავაზება უძრავი ქონების ბაზარზე