აშშ-ის გამოძიების ფედერალური ბიურო (FBI) იძიებს ავტომატურ სატელეფონო ზარებს, რომლებიც ამერიკელებს არჩევნების დღეს სახლში დარჩენისკენ მოუწოდებს. ამის შესახებ ინფორმაციას ამერიკული მედია ავრცელებს.
„გამარჯობა. ეს უბრალოდ საცდელი ზარია. დროა სახლში დარჩე. იყავი სახლში, უსაფრთხოდ“ , - ამბობს ავტომატური ზარის ხმა.
ავტომატური ზარების თაობაზე მეტი დეტალი არ ვრცელდება.
აშშ-ში რიგით 59-ე საპრეზიდენტო არჩევნები იმართება. ამერიკელმა ხალხმა არჩევანი მოქმედ პრეზიდენტ დონალდ ტრამპსა და ყოფილ ვიცე-პრეზიდენტ ჯო ბაიდენს შორის უნდა გააკეთოს. გამარჯვებულად ჩაითვლება კანდიდატი, რომელიც 538-წევრიანი საარჩევნო კოლეგიიდან სულ მცირე 270 ხმას მოიპოვებს.