პოლიციის თვალწინ იარაღიანმა ტიპმა ისე მოახდინა ამ იარაღის გადატენა, რომ ერთი რეაქცია არ ჰქონია არცერთს, - ამის შესახებ სამოქალაქო აქტივისტმა გიგა მაქარაშვილმა ჟურნალისტებთან ისნის მე-5 საარჩევნო კომისიის შენობასთან განაცხადა.
როგორც მან აღნიშნა, მისი დაკავების ნაცვლად, პოლიციამ მშვიდობიანი მოქალაქეები დააკავა.
"არის დაძაბული სიტუაცია ბუნებრივია, იმიტომ, რომ ადამიანებს აღარ უნდათ ტყუილში ცხოვრება, იცავენ თავიანთ ხმებს და ადამიანები მოდიან იარაღით. პოლიციის თვალწინ იარაღიანმა ტიპმა ისე მოახდინა ამ იარაღის გადატენა, რომ ერთი რეაქცია არ ჰქონია არცერთს. არ ვიცი ვინ არის, არც სახელი ვიცი, არის კადრები. ბევრი ადამიანი ტელეფონითაც იღებდა, "ფისტოლეტი" იყო, იმის ნაცვლად, რომ იარაღიანი ტიპი დაეჭირათ, დაიჭირეს მშვიდობიანი მოქალაქეები“,- განაცხადა მაქარაშვილმა.