ალეკო ელისაშვილი - ჩვენი მხარდამჭერებიდან ერთი არის დაკავებული, პოლიცია საძაგლად იქცეოდა

საბურთალოს ოლქთან დაკავებული ჩემი მხარდამჭერი შალვა კარელიძე პოლიციამ საპატრულო პოლიციის დეპარტამენტში გადაიყვანა და როგორც, მან მითხრა, მასზე ზეწოლა არ ხდება, - ამის შესახებ პარტია „მოქალაქეების“ ლიდერმა ალეკო ელისაშვილმა ჟურნალისტებთან განაცხადა.

ელისაშვილის ინფორმაციით, საბურთალოს საოლქო კომისიასთან დაკავებული პირებიდან - ორი ცესკოს წევრია.

„ჩვენი მხარდამჭერებიდან ერთი არის დაკავებული. საბურთალოს საოლქო კომისია იხილავდა საჩივრებს და მათ შორის ჩვენს საჩივრებსაც და არც ჩვენს წარმომადგენელს დაურეკეს, რომ საქმის განხილვა მიმდინარეობდა და არც მე. მივედი და ვუთხარი მე ვარ საბურთალოს მაჟორიტარობის კანდიდატი და შემიშვით - მეთქი და მითხრეს, რომ სახეზე ვერ გცნობთო. იქ ცინიზმის და აგდებული ლაპარაკის მეტი არაფერი არ ყოფილა. რამდენიმე პოლიციელი საძაგლად იქცეოდა. ფაქტი ერთი არის, რომ პოლიცია არ მაძლევდა უფლებას შევსულიყავი ჩემი პარტიის საჩივრების განხილვაში მიმეღო მონაწილეობა რაც, რა თქმა უნდა, კანონდარღვევაა“, - განაცხადა ალეკო ელისაშვილმა.

ცნობისთვის, შინაგან საქმეთა სამინისტროს ინფორმაციით, საბურთალოს საოლქო საარჩევნო კომისიასთან სამი პირია დაკავებული.

როგორც "ინტერპრესნიუსს" უწყებაში განუცხადეს, მოქალაქეები ადმინისტრაციულ სამართალდარღვევათა კოდექსის 166-ე და 173-ე მუხლებით არიან დაკავებულები.

გიორგი კაჭარავა - ყაზახეთში არსებული ვითარება ბევრ კითხვებს ბადებს, თუ რა სცენარით განვითარდება პროცესები, დასკვნების გაკეთება აშკარად ნაადრევია
მამუკა გამყრელიძე - მსოფლიოში  დაიწყო ახალი გადანაწილება,  არსებული შეთანხმებები და  ფორმატები  ეფექტურად ვეღარ მუშაობს
ქართული პრესის მიმოხილვა 17.01.2022
იოსებ ბარათაშვილი - ხაზარაძე-ჯაფარიძისა და წერეთლის საქმე  ერთი მხრივ, შერჩევითი და შეკვეთილი  მართლმსაჯულების, ხოლო მეორე მხრივ კი გამოძიების მწარმოებელი ორგანოს არაკომპეტენტურობის ნიმუშია
ავერსი სოციალურად დაუცველ პენსიონერს მერიის 500-ლარიანი ვაუჩერის პროგრამის ფარგლებში მოემსახურება ყოველდღე ფასდაკლებით და საჩუქრად გადასცემს 50-ლარიან სასაჩუქრე ბარათს
„მაგნიტში“ გრანდიოზული საიუბილეო გათამაშება დაიწყო
სილქფესტი სასაუბრო და ინტერნეტ პაკეტების ჩართვას სხვადასხვა პირობით გვთავაზობს
IONIQ 5-ისა და TUCSON-ის ჰოლივუდური დებიუტი ახალ სპაიდერმენში