"ნაციონალური მოძრაობის" წევრის გიორგი კაპანაძის ინფორმაციით, ისნის მეხუთე საოლქო კომისიასთან დაკავებულებს შორის არის მოძრაობა" შეცვალეს" აქტივისტი ნიკა ფარულავა.
როგორც კაპანაძემ ჟურნალისტებს განუცხადა, მისთვის უცნობია, თუ სად გადაიყვანეს სამართალდამცავებმა ფარულავა დაკავების შემდეგ.
საოლქო კომისიასთან შენობა საღამოს 20:00 საათიდან მიმდინარეობს. აქცია თავდაპირველად "სტრატეგია აღმაშენებლის" და " ლელოს" აქტივისტებმა დაიწყეს, რასაც ოპოზიციის წევრებიც შეუერთდნენ. მათი თქმით, 2020 წლის საპარლამენტო არჩევნები გაყალბდა, რის გამოც პროტესტს გამოხატავენ. აქტივისტები შენობაში შესვლას და საჩივრების განხილვის პროცედურაზე დასწრებას ითხოვდნენ, რისი უფლებაც მათ ადგილზე მობილიზებულმა პოლიციამ არ მისცა. ამის გამო ადგილზე რამდენჯერმე დაიძაბა სიტუაცია.
შსს-ს ინფორმაციით, ისანში მიმდინარე აქციაზე სულ 6- პირია დაკავებული.