პირი, რომელმაც ისნის საოლქო კომისიის შენობაში ოპოზიციის დამკვირვებელს საჩივრების განხილვისას ფიზიკური შეურაცხყოფა მიაყენა, პოლიციამ სავარაუდოდ გამოსაკითხად, შენობიდან გაიყვანა. "ნაციონალური მოძრაობის" ერთ-ერთი წევრის, ხატია დეკანოიძის ინფორმაციით, აღნიშნული პირის სახელი და გვარია ბექა ნაცვალაძე, რომელიც საოლქო კომისიის თავმჯდომარის მძღოლია.

მათივე თქმით, ნაცვალაძემ დამკვირვებელს ფიზიკური შეურაცხყოფა მიაყენა. შედეგად ახალგაზრდა მამაკაცი შეუძლოდ გახდა. ის სასწრაფო დახმარების ბრიგადამ საავადმყოფოში გადაიყვანა.