პოლონეთში, ბოლო 24 საათში კორონავირუსის 27 143 ახალი შემთხვევა დადასტურდა და ინფიცირებულთა საერთო რაოდენობა 466 679-მდე გაიზარდა.
აღსანიშნავია, რომ გასული დღე-ღამის განმავლობაში გამოვლენილი შემთხვევების რაოდენობა რეკორდულად მაღალი დღიური მაჩვენებელია ქვეყნისთვის პანდემიის დაწყების დროიდან.
ამასთან, ქვეყანაში ვირუსს კიდევ 367 ადამიანის სიცოცხლე ემსხვერპლა და დაღუპულთა რიცხვმა 6 842-ს მიაღწია.
პანდემიის დაწყების დროიდან კოვიდ 19-სგან 177 681 ადამიანი გამოჯანმრთელდა.