მაია ცქიტიშვილი - თუ გვინდა აქციის ჩატარება, ჩავატაროთ პირბადით და წესების დაცვით - პოლიტიკური ლიდერები უნდა აძლევდნენ მაგალითს საკუთარ ამომრჩევლებს

თუ გვინდა აქციის ჩატარება, ჩავატაროთ პირბადით და წესების დაცვით. პოლიტიკურმა პარტიებმა უნდა უზრუნველყონ მხარდამჭერებისთვის პირბადეების დარიგება,- ამის შესახებ ვიცე- პრემიერმა, რეგიონული განვითარებისა და ინფრასტრუქტურის მინისტრმა მაია ცქიტიშვილმა მთავრობის ადმინისტრაციაში გამართულ ბრიფინგზე აქციების შესახებ კომენტირებისას განაცხადა.

მისი თქმით, პოლიტიკურმა პარტიებმა უნდა აიღონ პასუხისმგებლობა, რომ აქციები კორონავირუსთან დაკავშირებული წესების დაცვით ჩაატარონ.

„ამ შემთხვევაში პასუხისმგებლობა არის პირველი სიტყვა, რომელიც ყველამ უნდა დავიმახსოვროთ. პასუხისმგებლობა ეხება არა მხოლოდ პოლიტიკურ პარტიებს, არამედ თითოეულ ჩვენგანს. პოლიტიკური პარტიის წევრი, აქტივისტი, პირველ რიგში ამ ქვეყნის მოქალაქეა. ამიტომ, პოლიტიკური პარტიების პასუხისმგებლობაა იმაში, რომ მათ უზრუნველყონ აქციების ისეთი სახით ჩატარება, რომ ყველა აქტივისტი და მხარდამჭერი პირბადით იყოს უზრუნველყოფილი, პირველ რიგში პოლიტიკური ლიდერები იქცეოდნენ ისეთი სახით, რომ ყველა წესი იყოს დაცული. რაღაც განსაკუთრებულ წესებზე არ ვსაუბრობთ, იმაზე ვსაუბრობთ, რომ თუ ჩვენ გვინდა აქციის ჩატარება, ჩავატაროთ ეს აქცია პირბადით და წესების დაცვით. პირველ რიგში პოლიტიკური ლიდერები უნდა აძლევდნენ მაგალითს საკუთარ ამომრჩევლებს, პოლიტიკურმა პარტიებმა უნდა უზრუნველყონ მხარდამჭერებისთვის პირბადეების დარიგება და ხელმისაწვდომობა“,-აღნიშნა ვიცე-პრემიერმა.

რაულ ჩილაჩავა - აშშ რუსეთის პრეტენზიებზე მომავალ კვირაში გასცემს წერილობით პასუხს, ეს უკვე საინტერესოა, დაველოდოთ
პაატა დავითაია - ნეიტრალური პოზიციით ხელისუფლებამ  შესაძლოა,  ისეთი დარტყმები მიიღოს, რაც მას  სრულად ჩამოშლის
ქართული პრესის მიმოხილვა 24.01.2022
გიორგი კანაშვილი - უკვე გაჩნდა დაკვეთა სხვა პოლიტიკური კულტურის მქონე პოლიტიკოსებზე და დროა, პოლიტიკოსებმა ალღო აუღონ ახალ რეალობას
"ავერსსა" და ეროვნულ ოლიმპიურ კომიტეტს შორის თანამშრომლობის მემორანდუმი განახლდა
„ლისი დეველოპმენტმა" International Property Awards-ზე უძრავ ქონებაში ორი ხუთვარსკვლავიანი ჯილდო მიიღო
PSP 2021 წლის „ლიდერ“ ბრენდად დასახელდა
მცირე და საშუალო ბიზნესების გაძლიერების პროგრამა BGROW დაიწყო
"სილქფესტი" მომხმარებლებს ორი დღით სასაუბრო და ინტერნეტ პაკეტებს შესთავაზებს!