ოპოზიციური პარტიების ლიდერები და მხარდამჭერები ბუკიას ბაღიდან მსვლელობით საბურთალოს საოლქო კომისიის შენობასთან მივიდნენ. აქციის მონაწილეები შეძახილებით "მონებო", "წადი" სკანდირებენ. მათ საბურთალოს მე-3 საოლქო საარჩევნო კომისიის შენობასთან ოქმების ასლები წარწერით "გაყალბებულია" დატოვეს.
აქციის მონაწილეებმა საოლქო საარჩევნო კომისიის ფანჯარასთან "ევროპული საქართველოს", "ლელო საქართველოსთვის" და "ლეიბორისტული პარტიის" დროშები დაკიდეს. ასევე ბუკლეტები - "გაყალბებულია" ფანჯრიდან შეყარეს.
ადგილზე სამართალდამცავები არიან მობილიზებული.
ცნობისთვის, ოპოზიციური პარტიები და მათი წევრები ორი დღეა მსვლელობას მართავენ და გზად ფლაერებს არიგებენ, რომლითაც მოსახლეობას კვირას, რუსთაველის გამზირზე, აქციაზე მისვლისკენ მოუწოდებენ.