„ჯორჯიან უოთერ ენდ ფაუერი“ დედაქალაქის სტაბილური წყალმომარაგებისთვის, მნიშვნელოვან პროექტებზე მუშაობას ყველა რეკომენდაციის დაცვითა და გათვალისწინებით აგრძელებს. ამის შესახებ „ინტერპრესნიუსს“ კომპანიის პრესსამსახურიდან აცნობეს.
მათი ინფორმაციით, კომპანია ისნის რაიონში, ნავთლუღის ქუჩაზე, წყალარინების ქსელზე სარეაბილიტაციო სამუშაოებს ატარებს. „აღნიშნული პროექტის ფარგლებში იცვლება ნახევარ კილომეტრამდე სიგრძის ძველი, ამორტიზებული წყალარინების ქსელი, ასევე მოეწყობა წყალარინების საკონტროლო 24 ჭა. „ჯივიპი“ სარეაბილიტაციო პროექტში 200 ათას ლარზე მეტ ინვესტიციას განახორციელებს. გეგმის მიხედვით, სამუშაოები ნოემბრის ბოლოს დასრულდება“,-აღნიშნულია ინფორმაციაში.