„კლინიკა ნიუმედი“ დასაქმებულებს და სტუდენტებს Covid-19-ის დიაგნოსტიკას უფასოდ ჩაუტარებს. კლინიკის ადმინისტრაციის ინფორმაციით, პროგრამა შეეხება დასაქმებულ ადამიანებს, რომლებიც დღეს რისკ ჯგუფს წარმოადგენენ. კერძოდ, მომსახურების სფეროსა და სხვადასხვა პროფილის საწარმოების კონტინგენტს, სადაც კონტაგიოზურობის მაღალი რისკი არსებობს, ასევე სასწავლო დაწესებულებების თანამშრომლებს და სტუდენტებს.

„ იმისთვის, რომ გაიგოთ ხართ თუ არა პროგრამის ბენეფიციარი, უნდა გაიაროთ წინასწარი რეგისტრაცია შემდეგ ბმულზე: http://www.newmed.ge/?page_id=426 წინასწარი რეგისტრაციის გავლის შემთხვევაში ბენეფიციარს დაუკავშირდება შესაბამისი მენეჯერი და „კლინიკა ნიუმედში“ მოსარგებლედ საბოლოო რეგისტრაციის შემდეგ სწრაფი ტესტით უფასოდ ჩაუტარდება Covid-19-ის დიაგნოსტირება, რომლის პასუხი 15 წუთში იქნება. ტესტი აჩვენებს არა მხოლოდ იმას, მიმდინარედ გაქვთ თუ არა COVID 19, (ამ შემთხვევაში ტესტზე პოზიტიური იქნება M ნიშნული), არამედ წარსულში გადატანილი გაქვთ ,თუ არა კოვიდინფექცია(ამ შემთხვევაში ტესტზე დადებითი იქნება G ნიშნული )“,-ნათქვამია გავრცელებულ ინფორმაციაში.