თენგიზ ცერცვაძე - პოლიტიკურ პროცესებს ხელს ვერ შევუშლით, მაგრამ დაიცვან ელემენტარული რეგულაციები

ვინც ნიღაბს არ იკეთებს, ის შეგნებულად მიდის იმაზე, რომ ინფექციის მაჩვენებელი გაიზარდოს და გავრცელდეს ,- ამის შესახებ ინფექციური პათოლოგიის, შიდსისა და კლინიკური იმუნოლოგიის სამეცნიერო პრაქტიკული ცენტრის დირექტორმა, თენგიზ ცერცვაძემ ჟურნალისტებს ჯანდაცვის მინისტრის კლინიცისტებთან შეხვედრის დასრულების შემდეგ განუცხადა, რითაც ქვეყანაში მიმდინარე საპროტესტო აქციებს გამოეხმაურა.

თენგიზ ცერცვაძის თქმით, პოლიტიკური პროცესები ქვეყანაში ვერ შეჩერდება, ამიტომ მოსახლეობამ საპროტესტო აქციებზე რეკომენდაციები უნდა დაიცვას.

"პოლიტიკურ პროცესებს ვერ შევაჩერებთ. კარგია, ქვეყანაში სიმშვიდე ყოფილიყო და არა აქციების საჭიროება, მაგრამ რადგან არის მოსახლეობის ნაწილის სოციალური დაკვეთა რომ აქციები უნდა ჩატარდეს, პოლიტიკურ პროცესებს ვერ შევუშლით ხელს, მაგრამ დაიცვან ელემენტარული რეგულაციები. ვინ დამარწმუნებს, რომ იგივე აქციაზე ყველამ რომ გაიკეთოს ნიღაბი, ამით შესუსტდება პროტესტის გამოხატვის ფორმა, ან ნაკლებად დამაჯერებელი იქნება ამომრჩევლისთვის, ან ნაკლებ გავლენას მოახდენს არჩევნების შედეგებზე. ნიღაბი არაფერს არ გააფუჭებს. ვინც ნიღაბს არ იკეთებს, მე ვიტყოდი რომ ის შეგნებულად მიდის იმაზე, რომ ინფექციის მაჩვენებელი გაიზარდოს და გავრცელდეს, ის უბრალოდ, არ დაფიქრებულა, რომ ხვალ შეიძლება თვითონ იყოს ამის მსხვერპლი", - განაცხადა ცერცვაძემ.

თენგიზ ცერცვაძე დასძენს, რომ სამედიცინო სექტორი ყველაფერს აკეთებს რათა კორონავირუსით ინფიცირებულების გარდაცვალების მაჩვენებელი ქვეყანაში დაბალი იყოს.

"ნუ ვიმოქმედებთ იმ პრინციპით, რომ "შინაურ მღვდელს შენდობა არ აქვს" ჩვენი ექიმები და კლინიკური სექტორი 7/24 რეჟიმში ყველაფერს აკეთებს, რომ გარდაცვალება მინიმალური იყოს. ამას ჯერჯერობით ვახერხებთ", - განაცხადა ცერცვაძემ.

შეგახსენებთ, რამდენიმე დღეა რაც ოპოზიციური პარტიების ლიდერები, მათი მხარდამჭერები და სამოქალაქო აქტივისტები დედაქალაქის მასშტაბით აქციებს მართავენ. აქციის მონაწილეები ცესკოს არჩევნების გაყალბებაში ადანაშაულებენ და ვადამდელი არჩევნების დანიშვნას მოითხოვენ.

ეკატერინე ციმაკურიძე - განსაკუთრებული პრობლემაა ხელისუფლების მცდელობები თავი აარიდოს 19 აპრილის შეთანხმების ისე შესრულებას, როგორც ეს თავად ამ შეთანხმებითაა ნაგულისხმევი
ქართული პრესის მიმოხილვა 24.06.2021
სტეპან გრიგორიანი - ფაშინიანმა არჩევნები იმის გამო მოიგო, რომ სომეხმა ხალხმა ყარაბაღის ომში დამარცხება მას არ დაუკავშირა
„მაკდონალდსის“ ინვესტიციით საქართველოში პურ-ფუნთუშეულის საწარმო „ბრედფილდი“ იხსნება
ჭარბი წონა მსოფლიოში არა მხოლოდ პრობლემა,  დიდი ხანია, პანდემიაა (R)
"თბილისის ბალნეოლოგიურ კურორტში“ კონფერენცია „კურორტოლოგიის როლი მედიცინაში“ გაიმართა