პარლამენტის წევრი გია ჟორჟოლიანი პრეზიდენტს და მთავრობას მიმართავს

პარტია „სოციალ - დემოკრატები საქართველოს განვითარებისთვის“ თავმჯდომარე, პარლამენტის წევრი გია ჟორჟოლიანი მთავრობას და პრეზიდენტს მოუწოდებს, რომ ქვეყანაში გაუარესებული ეპიდემიოლოგიური ვითარების გამო, საგანგებო მდგომარეობა გამოცხადდეს, დაწესდეს მკაცრი შეზღუდვები და მხოლოდ ეპიდემიოლოგიური მდგომარეობის გაუმჯობესების შემდეგ განახლდეს საარჩევნო პროცესი.

„ჩვენს ქვეყანაში, ეპიდემიოლოგიური თვალსაზრისით, ვითარება ყოველდღიურად რადიკალურად უარესდება. დაინფიცირებულთა დღიური პროცენტული რაოდენობით დღეს საქართველო მსოფლიოში ერთ-ერთი პირველია. ეს რიცხვი ორჯერ უფრო მაღალია, პროცენტული განზომილებით, ვიდრე აშშ-ში. ამ ვითარებაში, საარჩევნო პროცესის წარმართვა და არჩევნების მეორე ტურის ჩატარება კიდევ უფრო ზრდის უეჭველ რისკებს. ამას თან ერთვის არჩევნების პირველი ტურის შემდეგ განვითარებული მწვავე პოლიტიკური კრიზისი, რომლის სწრაფად დასრულებაც წარმოუდგენელია. დაუშვებელია ჩვენი მოქალაქეების სიცოცხლე და ჯანმრთელობა შევწიროთ პოლიტიკური ჯგუფების ინტერესებს. იქნება ეს ხელისუფლება თუ ოპოზიცია.

ერთადერთ გამოსავლად არსებულ მდგომარეობაში ჩანს საგანგებო მდგომარეობის გამოცხადება. ამგვარი ღონისძიებით ისრაელში ერთი თვის განმავლობაში რადიკალურად (5-6 ჯერ) შემცირდა დაინფიცირების შემთხვევები. მოგიწოდებთ, გამოცხადდეს საგანგებო მდგომარეობა, დაწესდეს მკაცრი შეზღუდვები და მხოლოდ ეპიდემიოლოგიური მდგომარეობის მნიშვნელოვნად გაუმჯობესების შემდეგ განახლდეს საარჩევნო პროცესი“, - ნათქვამია გია ჟორჟოლიანის მიმართვაში.

ანდრო გოცირიძე - 3+3-ის ფორმატის უსარგებლობა და საფრთხის შემცველობა ცხადია, უკრაინაში მიმდინარე მოვლენების ფონზე მასში საქართველოს გაწევრიანება, შესაძლოა, რუსეთიდან ჩვენზე ზეწოლის ერთ-ერთი მიმართულებაც იყოს
ქართული პრესის მიმოხილვა 17.01.2022
იოსებ ბარათაშვილი - ხაზარაძე-ჯაფარიძისა და წერეთლის საქმე  ერთი მხრივ, შერჩევითი და შეკვეთილი  მართლმსაჯულების, ხოლო მეორე მხრივ კი გამოძიების მწარმოებელი ორგანოს არაკომპეტენტურობის ნიმუშია
თბილისში დავით წინასწარმეტყველის ბიუსტი გაიხსნა
„კარფურისა“ და Mastercard-ის შეთავაზება გრძელდება - „კარფურის“ მიტანის სერვისის ახალი აპლიკაცია შოპინგს კიდევ უფრო მოსახერხებელს ხდის
„სილქფესტი“ ულიმიტო სასაუბრო პაკეტებს ინტერნეტის სასურველ პირობასთან ერთად გვთავაზობს!
IONIQ 5-ისა და TUCSON-ის ჰოლივუდური დებიუტი ახალ სპაიდერმენში