ვლადიმერ პუტინმა სამი მინისტრი თანამდებობიდან გაათავისუფლა

რუსეთის პრეზიდენტმა, ვლადიმერ პუტინმა ბუნებრივი რესურსებისა და ეკოლოგიის მინისტრი დიმიტრი კობილკინი, მშენებლობის მინისტრი ვლადმირ იაკუშევი და ტრანსპორტის მინისტრი ევგენი დიტრიხი თანამდებობებიდან გაათავისუფლა,- ამის შესახებ ინფორმაციას რუსული მედია ავრცელებს.

მათივე ინფორმაციით,პუტინმა თანამდებობიდან გაათავისუფლა ურალის ფედერალურ ოლქში მუდმივი წარმომადგენელი ნიკოლაი ცუკანოვი.

ამასთან, რუსეთის პრეზიდენტის განკარგულებით, ცხრიდან ათამდე გაიზარდა პრემიერ-მინისტრის მოადგილეთა რაოდენობა.

რუსული მედიის ინფორმაციით, ქვეყნის პრემიერ-მინისტრმა, მიხაილ მიშუსტინმა რუსეთის დუმას ვიცე-პრემიერის თანამდებობაზე ენერგეტიკის მინისტრის ალექსანდრ ნოვაკის კანდიდატურა წარუდგინა, მის ნაცვლად ენერგეტიკის მინისტრად კი „რუსჰიდროს“ ხელმძღვანელის, ნიკოლაი შულგინოვის დანიშვნა შესთავაზა.

გარდა ამისა, მიშუსტინმა სახელმწიფო დუმას ტრანსპორტის მინისტრის პოსტზე „აეროფლოტის“ გენერალური დირექტორი ვიტალი საველიევი წარუდგინა, ბუნებრივი რესურსებისა და ეკოლოგიის მინისტრის პოსტზე –ალექსანდრ კოზლოვი, მშენებლობის მინისტრის თანამდებობაზე კი - ირეკ ფაიზულინი. რაც შეეხება ვლადმირ იაკუშევს, ის, სავარაუდოდ, ურალის ფედერალურ ოლქში პრეზიდენტის მუდმივი წარმომადგენელი გახდება.

თეა გოგოტიშვილი - სიფრთხილის და გონივრულობის გარდა გადარჩენის გზა არ გვაქვს
ქართული პრესის მიმოხილვა 30.11.2020
დავით მირცხულავა - ბეტონის გრავიტაციული კაშხლის სეისმური ზემოქმედების გამო დანგრევის პრეცედენტი მსოფლიოში არ ყოფილა, კვლევებიდან გამომდინარე, „ნამახვანი“ მაღალსაიმედოა
ვის ჩაუტარდება კლინიკა „ნიუმედში“ Covid 19-ის სწრაფი ტესტირება, მათ შორის ანტიგენზე დაფუძნებული ტესტით და D-დიმერის კვლევა უფასოდ? - ინტერვიუ კლინიკის დირექტორ ნათია ბულაცაშვილთან
ლივომ უძრავი ქონების ყიდვა-გაყიდვის პროცესის გამარტივებისთვის სერვისების 80% გააციფრულა
ირმა ინაშვილი - ჩვენ დამოუკიდებლად ვმოქმედებთ და ვაკეთებთ იმას, რასაც სინდისი გვკარნახობს! (R)