„სირცხვილიას“ აქტივისტის, გიგა მაქარაშვილის ინფორმაციით, პარლამენტთან მიმდინარე აქციაზე სამართალდამცავებმა 3 პირი დააკავეს.

მისივე განცხადებით, აქციის მონაწილეები პარლამენტის შენობასთან დარჩენას აპირებენ.

„დააკავეს მაჭავარიანი, გიორგი მჟავანაძე, ნოდარ რუხაძე. ნადირობა დაიწყეს უკვე. ჯერ 22:00 საათიც არ გამხდარა, ჩოჩქოლი იყო, მოიტაცეს და ჩასვეს მანქანაში. სანამ ერთი ადამიანი მაინც იქნება აქ ვრჩებით, ჯერ ბრძოლა დამთავრებული არაა“, - აღნიშნა მაქარაშვილმა ჟურნალისტებთან საუბრისას.

ცნობისთვის, პარლამენტის შენობის მიმდებარედ სამართალდამცველებსა და პოლიციას შორის დაპირისპირება იყო. დაპირისპირება მას შემდეგ დაიწყო, რაც “სირცხვილიას“ აქტივისტებმა ტერიტორიაზე შეშის შეტანა სცადეს.