რუსთაველის გამზირზე მიმდინარე საპროტესტო აქციაზე პოლიციამ 4 პირი დააკავა.

როგორც "ინტერპრესნიუსს" შინაგან საქმეთა სამინისტროში განუცხადეს, მოქალაქეები ადმინისტრაციულ სამართალდარღვევათა კოდექსის 166-ე და 173-ე მუხლებით არიან დაკავებულები.

შეგახსენებთ, რომ რუსთაველის გამზირზე გაერთიანებული ოპოზიციისა და მათი მხარდამჭერების საპროტესტო აქცია მიმდინარეობს. აქციაზე სამოქალაქო აქტივისტები შეშის შეტანას ცდილობდნენ, რისი საშუალებაც მათ პოლიციამ არ მისცა. აღნიშნულს აქტივისტებსა და სამართალდამცველებს შორის დაპირისპირება მოჰყვა.