რუსთაველის გამზირზე, პარლამენტის შენობის წინ შეკრებილმა მოქალაქეებმა აქციის დასრულებამდე ტერიტორიის დასუფთავება დაიწყეს.
აქციის მონაწილეებს ტერიტორიის დასუფთავებისკენ "სირცხვილიას" ერთ-ერთმა წევრმა, გიგა მაქარაშვილმა მოუწოდა.
ამ დროისთვის არსებული ინფორმაციით, დღევანდელ აქციაზე 20-ზე მეტი ადამიანი დააჯარიმეს. აქციის ორგანიზატორები საჩივარსაც ამზადებენ. აქციაზე სიტყვით გამოვიდა "ლელოს" წარმომადგენელი, კახა კოჟორიძე, რომელმაც დაჯარიმების თაობაზე მოქალაქეების შეკითხვებს უპასუხა.
დაწესებული შეზღუდვების მიუხედავად, აქციის მონაწილეები 05:00 საათამდე არ იშლებიან და აქციას აგრძელებენ. მიმდებარე ტერიტორიაზე მობილიზებულია პოლიციაც.