ბრაზილიაში ჩინურ ვაქცინა Sinovac-ზე ცდები პაციენტების ჯანმრთელობის მდგომარეობის გაუარესების გამო შეწყდა.

BBC-ის ინფორმაციით, აღნიშნული გადაწყვეტილება ბაზილიის ხელისუფლებამ ჯანდაცვის სამინისტროს განცხადების საფუძველზე მიიღო. როგორც ცნობილია, იმ პაციენტების ჯანმრთელობის მდგომარეობა, რომლებიც Sinovac-ს იღებდნენ, 29 ოქტომბერს გაუარესდა. თუმცა, კონკრეტული უკუჩვენებებისა და მსხვერპლის შესახებ ინფორმაცია ჯერჯერობით არ საჯაროვდება.

აღსანიშნავია, რომ Sinovac-ს კორონავირუსის წინააღმდეგ საბრძოლველად ჩინეთში აქტიურად იყენებენ და ვაქცინაცია უკვე ათასობით ადამიანს ჩაუტარდა.