სომხეთის პატრიარქი ხალხს - შეინარჩუნეთ სიმშვიდე და თავი შეიკავეთ ემოციების ზედმეტი დემონსტრირებისგან

სომხეთის პატრიარქი გარეგინ მეორე სომეხ ხალხს მიმართავს და სიმშვიდისკენ მოუწოდებს. ამის შესახებ ინფორმაციას ადგილობრივი მედია ავრცელებს.

„ჩვენმა ქცევამ არასდროს უნდა შეუქმნას საფრთხე ჯარისკაცების სიცოცხლეს, რომლებიც ფრონტის ხაზზე გაბედულად განაგრძობენ თავიანთ სამსახურს. ეროვნული ერთიანობის დასაცავად მოგიწოდებთ, შეინარჩუნეთ სიმშვიდე და თავი შეიკავეთ ემოციების ზედმეტი დემონსტრირებისგან, რომელიც გვაზარალებს, თავიდან ავიცილოთ ძალადობა და არეულობა,“- განაცხადა პატრიარქმა.

გარეგინ მეორე სომხეთისა და არაღიარებული მთიანი ყარაბაღის ხელმძღვანელობას მოუწოდებს, ხალხს მიღებული გადაწყვეტილება აუხსნან.

„მოვუწოდებთ სომხეთისა და არცახის ხელმძღვანელობებს, დაუყოვნებლივ წარუდგინონ ჩვენს ხალხს მიღებული გადაწყვეტილებების დასაბუთებული და საკმარისი ახსნა-განმარტება. ქედს ვიხრით ჩვენი სამშობლოს დამცველების გამარჯვებული სულის წინაშე ”, - განაცხადა სომხეთის პატრიარქმა.

რამაზ საყვარელიძე  - თუ ოპოზიცია მომავალშიც აპირებს არჩევნებში მონაწილეობას, ახლაც უნდა შევიდეს პარლამენტში, თუ არც მომავალში მიიღებს მონაწილეობას არჩევნებში, წასულა პოლიტიკიდან და ეგაა
ქართული პრესის მიმოხილვა 23.11.2020
ჰუბერტ ქნირში - პარტიებს სულ უფრო ნაკლებად შეუძლიათ ერთმანეთთან საუბარი და ამ განვითარებაში  სხვადასხვა პიროვნებას სხვადასხვა წვლილი მიუძღვის
PSP „მადლიერების კვირეულს“ კოსმეტიკურ პროდუქციაზე 50%-იანი ფასდაკლებით აღნიშნავს