გიორგი ვაშაძე - ჩვენ დიალოგი რაღაც ჰაეროვან საკითხებზე არ გვექნება, კონკრეტულ პრობლემებზეა საუბარი, რაც ამ არჩევნებმა მოიტანა და ამ არჩევნების შედეგს არ ეთანხმება ოპოზიცია

"სტრატეგია აღმაშენებელი" მიმდინარე პოლიტიკურ საკითხებთან დაკავშირებით საბჭოს შეხვედრას მართავს. პარტიის ლიდერის გიორგი ვაშაძის განცხადებით, შეხვედრაზე “სტრატეგია აღმაშენებელი” სამოქმედო გეგმას ჩამოაყალიბებს, თუ როგორი იქნება მათი სტრატეგია და ტაქტიკა.

“მინდა, რომ ვიმსჯელოთ ძალიან სიღრმისეულად თითოეულ ჩვენს წევრთან და ლიდერთან ერთად და საბოლოო გადაწყვეტილებები, რა თქმა უნდა, შეხვედრის შემდეგ გახდება ცნობილი”, - განაცხადა ვაშაძემ.

ამასთან, გიორგი ვაშაძემ აღნიშნა, რომ გაყალბებულ არჩევნებზე რეაგირება თუ არ მოხდება, ოპოზიციის და ხელისუფლების დიალოგი შეუძლებელი იქნება.

“ჩვენ დიალოგი რაღაც ჰაეროვან საკითხებზე არ გვექნება, არის კონკრეტულ პრობლემებზე საუბარი, რაც მოიტანა ამ არჩევნებმა და ამ არჩევნების შედეგს არ ეთანხმება სრულიად ოპოზიცია. ჩვენს შემთხვევაში არის მრავალკომპონენტიანი გამოსავალი - ეს არის ქუჩის აქციები, დიალოგი უცხოელების მონაწილეობით და ბოიკოტი, რომელიც ახლა აქვს გამოცხადებული ოპოზიციას. არც ერთ კომპონენტზე ხელის აღებას არ ვაპირებთ”, - განაცხადა ვაშაძემ.

იხილეთ ვიდეო: ოპოზიციის განცხადებით, ხელისუფლებასთან დიალოგი "ჰაეროვან საკითხებზე არ იქნება"

სტეპან გრიგორიანი - ფაშინიანმა არჩევნები იმის გამო მოიგო, რომ სომეხმა ხალხმა ყარაბაღის ომში დამარცხება მას არ დაუკავშირა
ქართული პრესის მიმოხილვა 21.06.2021
ალექსანდრე თვალჭრელიძე - თუ დაინიშნა რიგგარეშე საპარლამენტო არჩევნები, რისი ალბათობა რეალურია, 2024 წლის საპარლამენტო არჩევნების შედეგად ვერც ერთი პარტია გადამწყვეტ უმრავლესობას ვერ მოიპოვებს
ტერაბანკმა FMO-სგან გრძელვადიანი დაფინანსება მიიღო
20 ივნისის მოვლენებთან დაკავშირებით, კახა ოქრიაშვილი სპეციალურ განცხადებას ავრცელებს