სერგი კაპანაძე - გიორგი გახარიას განცხადებას, რომ დიალოგს ალტერნატივა არ აქვს, უნდა მოჰყვეს კონკრეტული ნაბიჯები და არ უნდა დარჩეს მხოლოდ განცხადებად

"ევროპული საქართველოს“ ერთ-ერთი ლიდერის, სერგი კაპანაძის განცხადებით, გიორგი გახარიას და „ქართული ოცნების“ წარმომადგენლების ამ განცხადებებს, რომ დიალოგს ალტერნატივა არ აქვს, უნდა მოჰყვეს კონკრეტული ნაბიჯები და არ უნდა დარჩეს მხოლოდ განცხადებებად.

როგორც კაპანაძემ აღნიშნა, დიალოგის ინიციატორები თვითონ ოპოზიციის წარმომადგენლები არიან და დიალოგი უნდა იყოს კონკრეტულ თემაზე, ახალ არჩევნებზე.

„გახარიას განცხადებას უნდა მოყვეს კონკრეტული ნაბიჯები და საქმე და არ უნდა დარჩეს მარტო სადღეგრძელოდ, როგორც ხშირად გვსმენია ხოლმე გახარიასგან და „ქართული ოცნების“ წარმომადგენლებისაგან. მოწოდება დიალოგზე იყო ოპოზიციის მხრიდან და ახლა მესმის, რომ გახარიას, კალაძეს და სხვებს უნდათ, ისე წარმოაჩინონ, რომ თვითონ არიან ამ დიალოგის ინიციატორები. 8 ნოემბერსვე, დიდ მიტინგზე, ოპოზიციამ დააყენა ასე საკითხი, რომ კონკრეტულ თემაზე, შემდგარიყო დიალოგი ოპოზიციას და ხელისუფლებას შორის, ჩვენი საერთაშორისო პარტნიორების მონაწილეობით და ჯერ კიდევ ველით კონკრეტულ ნაბიჯებს.

ამიტომ, თუ გახარიას მართლა გულწრფელად ჰგონია, რომ კრიზისიდან გამოსავალი არის დიალოგი, ეს ადვილად გამოჩნდება თუ ისინი წამოვლენ დიალოგზე და ამ სერიოზულ პოლიტიკურ კრიზისს, რომელიც არის შექმნილი, განმუხტავს ამ დიალოგში მონაწილეობით და კონკრეტულ შეთანხმებებზე წამოსვლით. მანამდე ამ განცხადებებს და ამ სიტყვებს ფასი არ აქვს, ისევე როგორც ბევრ სხვა განცხადებას და სიტყვას, რომლებსაც „ქართული ოცნების“ წარმომადგენლები და ლიდერები ისვრიან ხოლმე,“ - განაცხადა კაპანაძემ.

ალექსანდრე თვალჭრელიძე - თუ დაინიშნა რიგგარეშე საპარლამენტო არჩევნები, რისი ალბათობა რეალურია, 2024 წლის საპარლამენტო არჩევნების შედეგად ვერც ერთი პარტია გადამწყვეტ უმრავლესობას ვერ მოიპოვებს
ქართული პრესის მიმოხილვა 18.06.2021
ვიქტორ ყიფიანი - მოსკოვს ჰიბრიდულ-რევიზიონისტული საგარეო კურსის შესანარჩუნებლად სჭირდება ჟენევის მსგავსი ფორმატები, ძველი ან ახალი „წითელი ხაზების“ მონიშვნით საკუთარი და სხვისი ძალების მოსინჯვა
ჩვენ ყოველთვის ღია ვართ დისკუსიისთვის - სოციალური კვლევის ინსტიტუტი საქართველოს დაავადებათა კონტროლისა და საზოგადოებრივი ჯანმრთელობის ეროვნულ ცენტრს მიმართავს