თბილისის "დინამო არენას“ მიმდებარე ტერიტორიაზე საქართველოს ნაკრებს ქომაგები გამამხნევებელი შეძახილებით და ტაშით დახვდნენ.

ევრო 2020-ის პლეი ოფის ფინალურ მატჩში საქართველოს ეროვნული საფეხბურთო ნაკრები ჩრდილოეთ მაკედონიას შეხვდება. გადამწყვეტი შეხვედრის მოგების შემთხვევაში, საქართველოს ნაკრები ევროპის ჩემპიონატზე პირველად ითამაშებს. მატჩი 21:00 საათზე დაიწყება.

შეგახსენებთ, რომ ეპიდვითარებიდან გამომდინარე მატში მაყურებლის გარეშე გაიმართება.

აღსანიშნავია, რომ საქართველოს ეროვნული საფეხბურთო ნაკრების ორ ფეხბურთელს, ხვიჩა კვარაცხელიასა და ლევან შენგელიას კორონავირუსი დაუდგინდათ. შესაბამისად, ისინი თამაშში მონაწილეობას ვერ მიიღებენ.