პოლონეთში ბოლო 24 საათის განმავლობაში კორონავირუსის 25 571 ახალი შემთხვევა გამოვლინდა და ინფიცირებულთა საერთო რაოდენობა 691 118-მდე გაიზარდა, - ამის შესახებ ინფორმაციას The Guardian-ი ქვეყნის ჯანდაცვის სამინისტროზე დაყრდნობით ავრცელებს.

ამასთან, ქვეყანაში ვირუსს კიდევ 548 ადამიანი ემსხვერპლა და დაღუპულთა რიცხვმა 10 045-ს მიაღწია.

აღსანიშნავია, რომ პოლონეთში გასული დღე-ღამის განმავლობაში დადასტურებული ფატალური შემთხვევები რეკორდულად მაღალი დღიური მაჩვენებელია ქვეყნისთვის.

პოლონეთის ჯანდაცვის უწყების ინფორმაციით, ამ დროისთვის საავადმყოფოებში შევსებულია 22 320 საწოლი, 2 126 ადამიანი კი ხელოვნური სუნთქვის აპარატზეა. საერთო ჯამში, ქვეყანაში კოვიდინფიცირებული პაციენტებისთვის 35 182 საწოლი და 2 805 აპარატია ხელმისაწვდომი.