კორონავირუსის შემთხვევების გამო ავსტრიაში 17 ნოემბრიდან ახალი რეგულაციები დაწესდება, რომლებიც ძალაში 2 კვირის განმავლობაში დარჩება , - აღნიშნული განცხადება ავსტრიის კანცლერმა სებასტიან კურცმა გააკეთა.

მისი თქმით, ქვეყანაში სასიცოცხლოდ აუცილებელი პროდუქტების მაღაზიების გარდა ყველა სავაჭრო ობიექტი დაიხურება.

მოსახლეობას სახლიდან გასვლა მხოლოდ ისეთი აუცილებელი საჭიროების შემთხვევაში ექნება, როგორებიცაა სამსახური, საყიდლები და ვარჯიში.

ბოლო მონაცემებით, ავსტრიაში კორონავირუსის 198 000-ზე მეტი შემთხვევა ფიქსირდება, ვირუსს 1 746 ადამიანი ემსხვერპლა.