„ლელო საქართველოსთვის ერთ-ერთი ლიდერის ბადრი ჯაფარიძის თქმით, ოპოზიციური ერთობა არის მყარი და ეფუძნება იმას, რომ ოპოზიციამ მოქალაქეების ნება დაიცვას.

როგორც მან ჟურნალისტებთან განაცხადა, შესაძლოა განსხვავებული პოზიციები იყოს პარტიებს შორის, თუმცა ეს გავლენას ერთობაზე ვერ მოახდენს.

„განსხვავებული პოზიციები შეიძლება იყოს ამა თუ იმ პარტიის წარმომადგენელს შორის, მეორე პარტიის წარმომადგენელთან რაიმე კამათიც ჰქონდეს, მაგრამ ეს ვერანაირ შემთხვევაში ვერ მოახდენს ოპოზიციურ ერთობაზე გავლენას. ეს არის ძალიან მყარი ერთობა, ეს ეფუძნება იმას, რომ ჩვენ უნდა დავიცვათ ჩვენი ხალხის ნება. ჩვენი მოქალაქეების ხმები“,- განაცხადა ბადრი ჯაფარიძემ.

ცნობისთვის, „ლელოს“ ოფისში ამ წუთებში ოპოზიციური პარტიების წარმომადგენლები შეხვედრას მართავენ.