ზურაბ ჯაფარიძე - „გირჩი“ არ აწყობს ე.წ. სირცხვილის დერეფანს, მაგრამ როცა არჩევნებს მოგპარავენ, ნებისმიერი მშვიდობიანი პროტესტი მისაღებია

„გირჩის“ ლიდერის, ზურაბ ჯაფარიძის განცხადებით, მისი პარტია არჩევნების მეორე ტურის დღეს საარჩევნო უბნებთან „ნაციონალური მოძრაობის“ მიერ დაანონსებულ „სირცხვილის კორიდორი“ მონაწილეობას არ მიიღებს.

ამასთან, როგორც მან აღნიშნა, ნებისმიერი მშვიდობიანი აქცია მისაღებია.

„გირჩი“ არ აწყობს ე.წ. სირცხვილის დერეფანს, მაგრამ ჩემი აზრით, როდესაც არჩევნებს მოგპარავენ, ნებისმიერი მშვიდობიანი პროტესტი მისაღებია. სხვა პარტიას თუ უნდა რამე მსგავსის გაკეთება, უნდა და გააკეთებს“,-აღნიშნა მან.

მან ასევე კომენტარი გააკეთა საქართველოს ყოფილი პრეზიდენტის მიერ საქართველოში ჩამოსვლასთან დაკავშირებით გაკეთებული განცხადების შესახებ და აღნიშნა, რომ თუ მიხეილ სააკაშვილს საქართველოში ჩამოსვლა უნდა, ეს მხოლოდ და მხოლოდ მისი გადასაწყვეტია.

„ოპოზიციაზე მიხეილ სააკაშვილის ფაქტორი სხვადასხვანაირად მოქმედებს. ოპოზიციის შიგნით არიან პოლიტიკური ძალები, რომლებსაც უარყოფითი დამოკიდებულება აქვთ სააკაშვილთან და ამ ნაწილში უარყოფითად მოქმედებს. მე ნაკლებად მაინტერესებს, სიმართლე რომ გითხრათ, საერთოდ არ მაღელვებს. მიხეილ სააკაშვილს ვუყურებ, როგორც პოლიტიკოსს, რომელსაც თავისი პირადი დღის წესრიგი აქვს და მის გატარებას ცდილობს",-აღნიშნა ზურაბ ჯაფარიძემ.

ალექსანდრე თვალჭრელიძე - ფრიდმანის წინააღმდეგ სანქციების დაწესებამ იდეალური შესაძლებლობა შექმნა კომპანიის გაკოტრების და იქ სახელმწიფო მმართველის იმპერატიული დანიშვნისთვის, ამას კი „ბორჯომის“ ნაციონალიზაცია უნდა მოჰყვეს
ქართული პრესის მიმოხილვა 23.05.2022
ჰუბერტ ქნირში - გზა ევროკავშირში გაწევრიანებისკენ ჯერ კიდევ გრძელია - ის, რაც რამდენიმე კვირაში ევროპის საბჭომ შეიძლება გადაწყვიტოს, არის გზის დასაწყისი, არის გადაწყვეტილება, რომ ჩვენ ერთად გვინდა ამ გზის გავლა
„მაკდონალდს საქართველო“ Mc Happy Day-ის საქველმოქმედო კამპანიას იწყებს