თემქაზე მომხდარი მკვლელობისა და მკვლელობის მცდელობით დაკავებული ნიკა ნარიმანიძე საზოგადოებას ბოდიშს უხდის. აღნიშნულთან დაკავშირებით ბრალდებულმა საკუთარ სასამართლო პროცესზე ისაუბრა.

როგორც ის განმარტავს, მას მოკლულმა შეურაცხყოფა მიაყენა.

"ბოდიში მინდა საზოგადოებას, სრულიად ერს მოვუხადო, ღვთის წინაშე მოვიხადო ბოდიში. მე არ მქონია არავითარი ინიციატივა, რომ განზრახ მკვლელობა ჩამედინა. ჩემი აღელვების ნიადაგზე მოხდა ეს. ჩემთვის მიუღებელი იყო ის შემოთავაზებები და შეურაცხყოფა, რაც მისგან მივიღე. თავიდანვე ვთანამშრომლობდი გამოძიებასთან და რა ფაქტებიც მახსოვს, ყველას მოვუყევი, არც მიცდია დამალვა. იმედია, ფსიქოლოგი დამეხმარება სრული სურათის აღდგენაში, რათა საგამოძიებო ორგანოს სრული სურათი მივაწოდო",- განაცხადა ნარიმანიძემ.