რუსეთის თავდაცვის სამინისტრომ 10 ნოემბრიდან დღემდე მთიან ყარაბაღში საკუთარი სამშვიდობოები 140 თვითმფრინავით ჩაიყვანა. ამის შესახებ ინფორმაციას უწყება ავრცელებს.
„მიმდინარეობს პირადი შემადგენლობის, სამხედრო ტექნიკის და მატერიალური ქონების გადასროლა სამშვიდობო კონტინგენტისთვის“, - ნათქვამია ინფორმაციაში.
გასული დღე-ღამის განმავლობაში, სომხეთში რუსი სამშვიდობოებით დატვირთული 20 თვითმფრინავი ჩაფრინდა.
ცნობისთვის, 15 ნოემბერს რუსმა სამშვიდობოებმა მთიან ყარაბაღში პასუხისმგებლობის სამხრეთ და ჩრდილოეთ ზონებში სადამკვირვებლო პოსტები განათავსეს.