ნიკარაგუის აღმოსავლეთ სანაპიროს მე-5 კატეგორიის ქარიშხალი „იოტა“ დაატყდა თავს. აშშ-ის ქარიშხლების ეროვნული ცენტრის ინფორმაციით, ამ დროისთვის ქარის სიჩქარე 260 კმ.სთ-ს აღემატება.
მათი თქმით, „იოტა“ ბოლო წლების ყველაზე ძლიერი და დამანგრეველი ქარიშხალი იქნება.
აღსანიშნავია, რომ ატლანტის ოკეანეში ბოლოს ქარიშხალს მე-5 კატეგორია 1932 წელს მიანიჭეს. BBC-ის ინფორმაციით, მოსალოდნელი საფრთხის გამო ჰონდურასის, გვატემალასა და ნიკარაგუას ხელისუფლებებმა სანაპირო ზოლში მცხოვრები მოსახლეობის ევაკუაცია უკვე განახორციელეს. ცენტრალური ამერიკის ქვეყნებს 2 კვირის წინ კიდევ ერთი ქარიშხალი დაატყდა თავს, რომელსაც სულ მცირე, 200 ადამიანი ემსხვერპლა.
იხილეთ ვიდეო: ნიკარაგუას მე-5 კატეგორიის ქარიშხალი "იოტა" დაატყდა თავს