დავით ჭიჭინაძე - გამყალბებელი „ოცნების“ მთავრობის წინააღმდეგ, მთელი ოპოზიციური სპექტრი არის და იქნება ერთიანი
21 ნოემბრის აქციაზე რაც შეიძლება მეტი ადამიანის ხმა ისმოდეს - აი, ეს იყო პოლიტიკურ პარტია „ტრიბუნაში“ოპოზიციური პარტიების ნაწილის ლიდერების შეხვედრის მთავარი თემა, - ამის შესახებ დავით ჭიჭინაძემ ჟურნალისტებთან განაცხადა.
მისივე თქმით, არჩევნების გაყალბება არა რომელიმე კონკრეტული პარტიის მიმართ მოხდა, არამედ ეს საყოველთაო გაყალბება იყო.
„არჩევნების გაყალბება მოხდა არა რომელიმე კონკრეტული პარტიის მიმართ, არამედ ეს იყო საყოველთაო გაყალბება, რადგან მთელ ქართველ ხალხს მოპარეს არჩევნები. ამიტომ, ამ გამყალბებელი „ოცნების“ მთავრობის წინააღმდეგ, მთელი ოპოზიციური სპექტრი არის და იქნება ერთიანი. შესაბამისად, მეტი კოორდინაცია, უნისონში მოქმედება, მიმდინარე მოვლენები, პომპეოს ვიზიტი და ის, რომ 21 ნოემბრის აქციაზე რაც შეიძლება მეტი ადამიანის ხმა ისმოდეს - აი ეს იყო პოლიტიკურ პარტია „ტრიბუნაში“ ოპოზიციური პარტიების ნაწილის ლიდერების შეხვედრის მთავარი თემა“, - განაცხადა ჭიჭინაძემ.
