დავით უსუფაშვილი - პარლამენტში მარტო დარჩენილი ერთპარტიული ხელისუფლება გაცილებით მძიმე დღეში აღმოჩნდება, ვიდრე მე, სულ რომ რუსთაველის გამზირზე ვიდგე მომდევნო 3-4 წელი

მე მგონია, რომ ხელისუფლება კი არ დათანხმდება ახალ არჩევნებს, ჩვენ შევთანხმდებით ყველა ერთად ახალ არჩევნებზე, როგორც ქვეყნის საერთო გამოსავალზე, - ამის შესახებ “ლელო საქართველოსთვის” ერთ-ერთმა ლიდერმა, დავით უსუფაშვილმა განაცხადა.

მისივე თქმით, ოპოზიციის მიერ დღეს დაგეგმილი მდუმარე აქციის მთავარი გზავნილია, რომ საქართველო დემოკრატიული სამყაროს წევრი ქვეყანაა.

“ჩვენი მთავარი გზავნილია, რომ საქართველო არის და იქნება დემოკრატიული, თავისუფალი სამყაროს წევრი ქვეყანა და ის მოვლენები, რაც ქვეყანაში განვითარდა არჩევნების შემდეგ ძალიან მალე დასრულდება სამართლიანად, ხალხის ნების გამოხატვით. ჩვენი დღევანდელი დგომა არის გზავნილიც, დაპირებაც და პასუხისმგებლობის აღებაც ჩვენი ქვეყნის ხვალინდელ დღეზე და გვინდა სწორეს ეს მესიჯი წაიღოს ბატონმა პომპეომ შეერთებულ შტატებში და ჩვენმა ქვეყნებმა გააგრძელონ ის პარტნიორობა, რომლის გარეშეც საქართველო ვერ გადაწყვეტს ბევრ პრობლემას. მე მგონია, რომ ხელისუფლება კი არ დათანხმდება ახალ არჩევნებს, ჩვენ შევთანხმდებით ყველა ერთად ახალ არჩევნებზე, როგორც ქვეყნის საერთო გამოსავალზე. ხელახალი არჩევნები არ არის ის ახირება, რომელიც აქვს ვინმე ერთ მხარეს. პარლამენტში მარტო დარჩენილი ერთპარტიული ხელისუფლება გაცილებით მძიმე დღეში აღმოჩნდება, ვიდრე მე, სულ რომ აქ ვიდგე მომდევნო 3-4 წელი“, - განუცხადა უსუფაშვილმა ჟურნალისტებს რუსთაველის გამზირზე, სადაც ოპოზიცია მდუმარე აქციას მართავს.

ემილ ავდალიანი - სამხრეთ კავკასიის რეგიონმა დიდი ძალების მეტოქეობის ხანაში შეაბიჯა, დღეს თამაშის ახალი წესები ყალიბდება,  მტკივნეული და გარდამავალი პერიოდია
ქართული პრესის მიმოხილვა 12.04.2021
როგორ ჩატარდება ერთიანი ეროვნული გამოცდები? - შარშანდელ რეკომენდაციებში შესაძლოა, კორექტირება შევიდეს - ინტერვიუ სოფიო გორგოძესთან
გიორგი კეკელიძის ახალი ინიციატივა: აპრილი წიგნის ჩუქების თვედ გამოცხადდეს
ვასილ ხოდელი - ლიბერთის ნებისმიერი სესხი გაიცემა საბაზრო პირობებით