პრემიერ-მინისტრი კლინიკურ ჯგუფს კოვიდინფიცირებული პაციენტების კლინიკური მართვის პროცესის გაუმჯობესების გზებსა და არსებულ საჭიროებებზე ესაუბრა

პრემიერ-მინისტრი გიორგი გახარია კლინიკური ჯგუფის წარმომადგენლებს კოვიდინფიცირებული პაციენტების კლინიკური მართვის პროცესის გაუმჯობესების გზებზე ესაუბრა. ამის შესახებ ინფორმაციას საქართველოს მთავრობა ავრცელებს.

მათივე ინფორმაციით, შეხვედრაზე განიხილეს ჰოსპიტალების გადატვირთულობის გამო კლინიკური მართვის პროცესში წარმოქმნილი ხარვეზები და მათზე შესაბამისი რეაგირების მექანიზმები.

„მსჯელობისას აღინიშნა, რომ აუცილებელია, მაქსიმუმი გაკეთდეს ჰოსპიტალური სექტორის გადატვირთვის თავიდან აცილების კუთხით, რაშიც განსაკუთრებული მნიშვნელობა ენიჭება მსუბუქი შემთხვევების მკურნალობას ბინაზე - ოჯახის ექიმთან აქტიური კონსულტაციით, ან კოვიდ-სასტუმროებში, სადაც გაძლიერებულია თერაპიული ელემენტები და უზრუნველყოფილია ინფიცირებულთა მუდმივი სამედიცინო მეთვალყურეობა. კლინიცისტებმა ხაზგასმით აღნიშნეს, რომ რესურსების მაქსიმალურად რაციონალური გამოყენებისა და კლინიკური მართვის პროცესის გაუმჯობესებისთვის, აუცილებელია მხოლოდ და მხოლოდ მძიმე შემთხვევების ჰოსპიტალიზაცია, რათა სისტემა არ გადაიტვირთოს და კლინიკის მიღმა არ დარჩნენ ის ადამიანები, ვისაც სტაციონარში მკურნალობა პირველ რიგში სჭირდება. ამასთან, ვირუსის გავრცელების ამ ეტაპზე, კვლავ უმნიშვნელოვანეს პრევენციულ ღონისძიებებად რჩება პირბადის ტარება და სოციალური დისტანციის დაცვა. შეხვედრისას კიდევ ერთხელ გაესვა ხაზი, რომ საქართველოს მთავრობა წერტილოვანი შეზღუდვების სტრატეგიას განაგრძობს და სისტემური „ლოკდაუნი“ არ იგეგმება“, - ნათქვამია ინფორმაციაში.

გიორგი გახარიამ კლინიკური ჯგუფის წარმომადგენლებს, ექიმებს და სამედიცინო პერსონალს კოვიდინფიცირებული პაციენტების მართვის პროცესში გაწეული განსაკუთრებული ძალისხმევისთვის მადლობა გადაუხადა.

პრემიერ-მინისტრმა აღნიშნა, რომ მთავრობა კვლავაც გამოიყენებს მის ხელთ არსებულ ყველა რესურსს, რათა მაქსიმალურად დაეხმაროს კლინიკურ ჯგუფს პროცესის უკეთ მართვაში და ოპერატიულად გადაჭრას მათ წინაშე მდგარი საჭიროებები.

შეხვედრას ვიცე-პრემიერი მაია ცქიტიშვილი, ფინანსთა მინისტრი ივანე მაჭავარიანი და უწყებათაშორის საკოორდინაციო საბჭოსთან არსებული საოპერაციო შტაბის ხელმძღვანელი ალექსანდრე ხოჯევანიშვილი ესწრებოდნენ.

მთავრობის ადმინისტრაციაში გამართულ შეხვედრაში ონლაინ-რეჟიმში მიიღო მონაწილეობა კლინიკური ჯგუფის ხელმძღვანელმა, ინფექციური პათოლოგიის, შიდსის და კლინიკური იმუნოლოგიის ცენტრის გენერალურმა დირექტორმა თენგიზ ცერცვაძემ. დისკუსიაში ასევე ვიდეოკონფერენციის ფორმატში ჩაერთო აშშ-ში მოღვაწე ქართველი ექიმი ზურაბ გურული.

სოსო არჩვაძე - ხელისუფლებას აქვს ერთი მკაფიოდ განსაზღვრული ამოცანა - მშვიდობიანად, რაც შეიძლება მინიმალური დანაკარგებით გაიყვანოს ქართული სახელმწიფოებრიობის ხომალდი სამშვიდობოს
ქართული პრესის მიმოხილვა 30.11.2020
ლევან დოლიძე - ახლა განსაკუთრებით მნიშვნელოვანია აქტიურობა და ყველა იმ ინიციატიის განხილვა, რაც ჩვენი უსაფრთხოების გაძლიერების ახალ და ეფექტიან მექანიზმებს შექმნის
უსაფრთხოებაზე გამავალი ერთობა: მოსაზრებები, შესაძლებლობები, შეთავაზებები
ირმა ინაშვილი - ჩვენ დამოუკიდებლად ვმოქმედებთ და ვაკეთებთ იმას, რასაც სინდისი გვკარნახობს! (R)
სილქფესტი ფასდაკლებების კვირეულს ხუთი ყველაზე მოთხოვნადი შეთავაზებით უერთდება
Wolt-ის ლურჯი პარასკევი დაიწყო