არსებობს ”სანდო მტკიცებულება”, რომ ავსტრალიის სპეცრაზმის წევრებმა ავღანეთის კონფლიქტის დროს 39 ადამიანი უკანონოდ მოკლეს, - BBC-ის ინფორმაციით, ამის შესახებ ავსტრალიის თავდაცვის ძალების მიერ ჩატარებულ 4-წლიანი მოკვლევის დასკვნაშია აღნიშნული.
ავსტრალიის თავდაცვის ძალების გენერლის, ანგუს კემპბელის განცხადებით, გამოძიებამ ზოგიერთი ჯარისკაცის მხრიდან „სამარცხვინო საქციელი“ გამოავლინა. მისი თქმით, უკანონო მკვლელობაში სპეციალური საჰაერო სამსახურის 25 ჯარისკაცი მონაწილეობდა.
გავრცელებული ინფორმაციით, ავსტრალიის პრემიერ-მინისტრმა სკოტ მორისონმა ავღანეთის პრეზიდენტ აშრაფ ღანის დაურეკა და დასკვნებთან დაკავშირებით ღრმა მწუხარება გამოხატა.