ძიუდოს ფედერაცია - ძიუდოისტთა ნაკრებმა პრაღაში ევროპის ჩემპიონატის მეორე დღეს სამი მედალი - ოქრო, ვერცხლი და ბრინჯაო მოიპოვა

საქართველოს ძიუდოისტთა ნაკრებმა პრაღაში მიმდინარე ევროპის ჩემპიონატის მეორე დღეს სამი მედალი - ოქრო, ვერცხლი და ბრინჯაო მოიპოვა. ამის შესახებ ინფორმაციას საქართველოს ძიუდოს ფედერაცია ავრცელებს.

მათივე ინფორმაციით, ევროპის ჩემპიონი 20 წლის ტატო გრიგალაშვილი გახდა, რომელსაც უფროსებში ევროპის ჩემპიონატზე დებიუტი ჰქონდა. -81კგ წონითი კატეგორიის ფინალში მან ბულგარელი ივაილო ივანოვი 45 წამში დაამარცხა. მანამდე კი ნახევარფინალში სძლია მსოფლიოს რეიტინგის პირველ ნომერს ბელგიელ მატიას კასეს.

„აღსანიშნავია, რომ მეოთხედფინალში ქართველ ძიუდოისტებს ტატო გრიგალაშვილს და ლუკა მაისურაძეს ერთმანეთთან მოუწიათ დაპირისპირება. ლუკამ შეჯიბრება რეპეშაჟში გააგრძელა და ბრინჯაოს მედალი მოიპოვა კიდეც.

-73 კგ წონით კატეგორიაში ვერცხლის მედლის მფლობელი გახდა ლაშა შავდათუაშვილი, რომელმაც მეოთხედფინალში აზერბაიჯანელ რუსტამ ორუჯოვს მოუგო, ნახევარფინალში - იტალიელ ფაბიო ბაზილეს. ფინალში კი, სადაც ფავორიტად მიიჩნეოდა, დამარცხდა მოლდოველ ვიკტორ სტერპუსთან.

ევროპის ჩემპიონატის დასკვნით მესამე დღეს მედლებისთვის საქართველოს ნაკრების კიდევ 4 ძიუდოისტი იბრძოლებს: ბექა ღვინიაშვილი (-90კგ), ვარლამ ლიპარტელიანი (-100კგ), გურამ თუშიშვილი და ლევან მატიაშვილი (ორივე +100კგ)“,- ნათქვამია ინფორმაციაში.

სოსო არჩვაძე - ხელისუფლებას აქვს ერთი მკაფიოდ განსაზღვრული ამოცანა - მშვიდობიანად, რაც შეიძლება მინიმალური დანაკარგებით გაიყვანოს ქართული სახელმწიფოებრიობის ხომალდი სამშვიდობოს
ქართული პრესის მიმოხილვა 26.11.2020
ლევან დოლიძე - ახლა განსაკუთრებით მნიშვნელოვანია აქტიურობა და ყველა იმ ინიციატიის განხილვა, რაც ჩვენი უსაფრთხოების გაძლიერების ახალ და ეფექტიან მექანიზმებს შექმნის
უსაფრთხოებაზე გამავალი ერთობა: მოსაზრებები, შესაძლებლობები, შეთავაზებები
სილქფესტი ფასდაკლებების კვირეულს ხუთი ყველაზე მოთხოვნადი შეთავაზებით უერთდება
Wolt-ის ლურჯი პარასკევი დაიწყო
ახალი Economy და Isolated კატეგორიები Bolt-ის აპლიკაციაში
ექსპოჯორჯია აგრო ექსპორტის ფორუმს ონლაინ, B2B ფორმატში გამართავს
„9 შავი პარასკევი“ ექსტრაზე Mastercard-ისგან