თურქეთის თავდაცვის მინისტრი ჰულუსი აკარი აცხადებს, რომ რუსეთთან მიღწეული შეთანხმების თანახმად, თურქი ჯარისკაცების აზერბაიჯანში გაგზავნა უახლოეს მომავალში მოხდება. ინფორმაციას თურქული მედია ავრცელებს.

”ჩვენი მზადება დასრულებულია. თურქი ჯარისკაცები თავიანთ მოვალეობის შესრულებას აზერბაიჯანში რაც შეიძლება მალე დაიწყებენ”, - განაცხადა ჰულუსი აკარმა.

შეგახსენებთ, სამშაბათს, თურქეთის პარლამენტმა აზერბაიჯანში თურქული ჯარების ერთი წლის განმავლობაში განლაგებას მხარი დაუჭირა. რამდენიმე დღის წინ თურქეთმა და რუსეთმა ხელი მოაწერეს ურთიერთგაგების მემორანდუმს ყარაბაღის სამშვიდობო შეთანხმების მონიტორინგის მიზნით თურქეთ-რუსეთის ერთობლივი ცენტრის შექმნის შესახებ.