დეკანოზი ანდრია ჯაღმაიძე - ტომოსი როგორ არ არის წაკითხული, ეს სულაც არ უკავშირდება იმას, რომ უკრაინის ავტოკეფალიის აღიარება-არაღიარებასთან დაკავშირებით მიღებულ იქნას გადაწყვეტილება

ტომოსი როგორ არ არის წაკითხული, ეს სულაც არ უკავშირდება იმას, რომ უკრაინის ავტოკეფალიის აღიარება-არაღიარებასთან დაკავშირებით მიღებულ იქნას გადაწყვეტილება,- ასე უპასუხა საპატრიარქოს საზოგადოებასთან ურთიერთობის სამსახურის ხელმძღვანელმა, დეკანოზმა, ანდრია ჯაღმაიძემ ჟურნალისტების კითხვას, წაიკითხეს თუ არა საპატრიარქოში ტომოსი და რა გადაწყვეტილებაა მიღებული უკრაინის ეკლესიის ავტოკეფალიასთან დაკავშირებით.

როგორც ანდრია ჯაღმაიძე განმარტავს, უკრაინის ეკლესიასთან დაკავშირებული ზომები მსოფლიოს საპატრიარქომ იქ არსებული განხეთქილების გამო მიიღო, თუმცა, ამ გადაწყვეტილებას არსებული ვითარება უკეთესობისკენ არ შეუცვლია.

„ტომოსი ძალიან კარგად აქვს წაკითხული ფილარეტს, რომელიც იყო მოთავე უკრაინის ავტოკეფალიისა და რამდენიმე დღის წინ მას ჰქონდა ვრცელი ინტერვიუ. ბრიფინგზე მან თქვა, რომ არ ცნობს ამ ტომოსს და არ სცნობს იმიტომ, რომ ეს არ არის ავტოკეფალური ეკლესიისთვის მინიჭებული ტომოსი, არამედ ეს არის მიტროპოლიის მინიჭებული ტომოსი და მან თქვა, რომ დამოუკიდებელ უკრაინას სჭირდება დამოუკიდებელი ეკლესია. ჩვენ ვიცით, რომ უკრაინის ეკლესიასთან დაკავშირებული ზომები მსოფლიოს საპატრიარქომ მიიღო იმის გამო, რომ იქ იყო განხეთქილებები და ამ განხეთქილებებს სჭიდებოდა მკურნალობა, თუმცა, ჯერჯერობით არის პროცესი, რომელიც არ მეტყველებს იმაზე, რომ რაიმე სახით ეშველა ამ პრობლემას, პირიქით, მეტყველებს იმაზე, რომ ამ ეტაპისთვის კიდევ უფრო გართულდა და კიდევ უფრო პოლარიზეულია,“- განაცხადა ჯაღმაიძემ.

ვლადიმერ ფესენკო - უკრაინის გარეშე უკრაინის მომავალზე შეთანხმების ნებისმიერი მცდელობები დამარცხებისთვისაა განწირული
დავით თვალაბეიშვილი - ჩვენ მხარს ვუჭერთ ევროკავშირის ენერგეტიკული გაერთიანების მედიაციის გაგრძელებას და მოვუწოდებთ მასში ჩართულ ყველა მონაწილეს, გამოვიყენოთ ეს შესაძლებლობა
ქართული პრესის მიმოხილვა 23.07.2021
თორნიკე შარაშენიძე - ხელისუფლების სერიოზული შეცდომა იყო ვაშინგტონისთვის არასწორი ინფორმაციის მიწოდებაში აშშ-ს ელჩის დადანაშაულება, შესაძლოა, ეს ამბავი მათ მომავალში ცუდადაც კი დაუბრუნდეთ
პირველად საქართველოში - დავით ტატიშვილის სამედიცინო ცენტრში უნიკალური ოპერაცია ჩატარდა
მინერალური წყალი „ბორჯომი“ ახალ კამპანიას იწყებს
„სინერჯი“ თევზის კომპანია „უმალის“ პარტნიორი გახდა
დავით ტატიშვილის სამედიცინო ცენტრმა ამჯერად ახალი ამბულატორიული ცენტრი აჭარის რეგიონში, ბათუმში გახსნა