თბილისში, მტკვრის მარჯვენა სანაპიროზე, 4 ავტომობილის შეჯახების შედეგად, 2 ადამიანი დაშავდა.

როგორც „ინტერპრესნიუსს“ შსს-ში განუცხადეს, დაშავებულები სასწრაფო დახმარების მანქანამ კლინიკაში გადაიყვანა.

მომხდარზე გამოძიება სისხლის სამართლის კოდექსის 276-ე მუხლის მეორე ნაწილით დაიწყო, რაც ტრანსპორტის მოძრაობის წესის დარღვევას გულისხმობს, რამაც ჯანმრთელობის ნაკლებად მძიმე დაზიანება გამოიწვია.