კახა კალაძე თბილისის ბიუჯეტთან დაკავშირებით ოპოზიციის განცხადებებზე - ეს არის ტყუილი, ბიუროკრატიული ხარჯები არ იზრდება

თბილისის მერის, კახა კალაძის განცხადებით, ოპოზიცია ტყუის, როდესაც აცხადებს, რომ დედაქალაქის მთავარ საბიუჯეტო დოკუმენტში ბიუროკრატიული ხარჯებია გაზრდილი.

ამის შესახებ კახა კალაძემ ჟურნალისტებს განუცხადა.

როგორც კალაძემ აღნიშნა, დედაქალაქის ბიუჯეტი იმაზე მეტი იქნება, ვიდრე დღეს არის წარმოდგენილი.

„ჩემი თხოვნა იქნება, ბიუჯეტზე არ ვიმსჯელოთ, რადგან პირველადი ბიუჯეტია, რომელიც შემდგომ დაკორექტირდება. როგორი იქნება დედაქალაქის ბიუჯეტი ცოტა მოგვიანებით გახდება ცნობილი. იმაზე მეტი იქნება გაცილებით, რაც დღეს არის წარმოდგენილი, რითაც მოგვეცემა იმის შესაძლებლობა, რომ ის პროექტები, რაზეც პანდემიამდე ვსაუბრობდით განხორციელდეს ინფრასტრუქტურის მიმართულებით სხვადასხვა რაიონებში, სხვადასხვა უბნებში. ასევე სოციალური და ჯანდაცვის მიმართულებაც მნიშვნელოვანია ჩვენთვის“, - განაცხადა კალაძემ.

კითხვაზე: შეესაბამება თუ არა სიმართლეს ოპოზიციის წარმომადგენელთა განცხადებები, რომ ბიუჯეტში გაზრდილია ბიუროკრატიული ხარჯები? კალაძემ განაცხადა:

„ეს არ არის სწორი ინფორმაცია, არის ტყუილი, არანაირი ბიუროკრატიული ხარჯები არ იზრდება. ეს არის პირველადი ბიუჯეტი. თუმცა, კიდევ ერთხელ სრული პასუხისმგებლობით გეუბნებით, რომ ბიუჯეტი, რომელიც საბოლოო იქნება, იქნება რადიკალურად განსხვავებული არსებული ბიუჯეტიდან და იქნება გაცილებით მეტი“, - განაცხადა კალაძემ.

გიორგი კანაშვილი - უკვე გაჩნდა დაკვეთა სხვა პოლიტიკური კულტურის მქონე პოლიტიკოსებზე და დროა, პოლიტიკოსებმა ალღო აუღონ ახალ რეალობას
ქართული პრესის მიმოხილვა 20.01.2022
ანდრო გოცირიძე - 3+3-ის ფორმატის უსარგებლობა და საფრთხის შემცველობა ცხადია, უკრაინაში მიმდინარე მოვლენების ფონზე მასში საქართველოს გაწევრიანება, შესაძლოა, რუსეთიდან ჩვენზე ზეწოლის ერთ-ერთი მიმართულებაც იყოს
ერთად ყოფნის 10 წელი - „კარფური“ 10 წლის იუბილეზე ერთგულ მომხმარებლებს, ყოველ თვე განსაკუთრებული პრიზებით დააჯილდოებს
ფრანგულ ბრენდ  ETAM-ის ახალი ფილიალი „დრესაპ ჯგუფისგან“
„კავკასუს ონლაინის“ გენერალური დირექტორი განცხადებას ავრცელებს