პრემიერი - ჩვენი ზომის ქვეყნისთვის კორონავირუსის არაბუნებრივი გავრცელებაა, ამიტომ გვიწევს ორთვიანი საკმაოდ მკაცრი შეზღუდვების დაწესება

ჩვენი ზომის ქვეყნისთვის არაბუნებრივი გავრცელებაა და როგორ ფიქრობთ, ეს არაბუნებრივი გავრცელება რამ გამოიწვია? რა თქმა უნდა, მაღალმა მობილობამ, - ასე უპასუხა საქართველოს პრემიერ-მინისტრმა გიორგი გახარიამ მთავრობის ადმინისტრაციაში გამართულ ბრიფინგზე კითხვას, გამოიწვია თუ არა ინფიცირების რაოდენობის ზრდა ქვეყანაში ოპოზიციური პარტიების მიერ გამართულმა აქციებმა.

როგორც პრემიერმა აღნიშნა, აქციებმა გააჩინა რისკი, რომ ინფიცირების დღიური მაჩვენებელი 3-4 ათასიდან სწრფად გაიზარდოს.

„აგვისტომდე საქართველო იყო ერთ-ერთი საუკეთესო ქვეყანა ეპიდემიის მართვის თვალსაზრისით. დღეს რაც საქართველოში ხდება, იმ გამოცდილებით, როგორც ჩვენ ეპიდემიის დასაწყისი სექტემბრამდე ვმართეთ, ჩვენი ზომის ქვეყნისთვის არაბუნებრივი გავრცელებაა. ამიტომ გვიწევს ამ ორთვიანი საკმაოდ მკაცრი შეზღუდვების დაწესება. როგორ ფიქრობთ, ეს არაბუნებრივი გავრცელება რამ გამოიწვია? ლოგიკურად რომ ვიმსჯელოთ, რა თქმა უნდა, მაღალმა მობილობამ და წესების დაცვის გარეშე დიდი რაოდენობით ადამიანების ერთად თავმოყრამ, რა თქმა უნდა, ნაწილობრივ პოლიტიკური პროცესიც არის მიზეზი. საარჩევნო კამპანია მაღალ მობილობას ითვალისწინებს, ეს არის ის, რამაც მიგვიყვანა საქართველოსთვის არაბუნებრივ ციფრებამდე. საქართველოს ჯანდაცვის სისტემას დღეში 3 ან 4 ათასი ინფიცირებულის მართვის რესურსი აქვს მიუხედავად იმისა, რომ ჯანდაცვის სისტემა და სამედიცინო სექტორიც გასათვალისწინებელია, ყველა ქვეყანას გაუჭირდება. ჩვენ ახლა ვაზღვევთ ინფიცირების რაოდენობის შემდგომ ზრდას. ეს მოიტანა იმ აქციებმა. გააჩინა რისკი, რომ 3 და 4 ათასიდან სწრაფად ავვარდეთ... არ მინდა ციფრები დავასახელო“,- განაცხადა გახარიამ.

რაულ ჩილაჩავა - აშშ რუსეთის პრეტენზიებზე მომავალ კვირაში გასცემს წერილობით პასუხს, ეს უკვე საინტერესოა, დაველოდოთ
ქართული პრესის მიმოხილვა 20.01.2022
გიორგი კანაშვილი - უკვე გაჩნდა დაკვეთა სხვა პოლიტიკური კულტურის მქონე პოლიტიკოსებზე და დროა, პოლიტიკოსებმა ალღო აუღონ ახალ რეალობას
"ავერსსა" და ეროვნულ ოლიმპიურ კომიტეტს შორის თანამშრომლობის მემორანდუმი განახლდა
„ლისი დეველოპმენტმა" International Property Awards-ზე უძრავ ქონებაში ორი ხუთვარსკვლავიანი ჯილდო მიიღო
PSP 2021 წლის „ლიდერ“ ბრენდად დასახელდა
მცირე და საშუალო ბიზნესების გაძლიერების პროგრამა BGROW დაიწყო
"სილქფესტი" მომხმარებლებს ორი დღით სასაუბრო და ინტერნეტ პაკეტებს შესთავაზებს!