ბელარუსში სამართალდამცავებმა საპროტესტო აქციის - „მეზობლების მარშის“ 400-ზე მეტი მონაწილე დააკავეს. დაკავებულების შესახებ ინფორმაციას ადამიანის უფლებების დაცვის ცენტრი „ვესნა -96“ ავრცელებს.

მათივე ინფორმაციით, დაკავებები დედაქალაქ მინსკსა და ქვეყნის სხვა ქალაქებში განხორციელდა.

მინსკის პოლიციის პრესსპიკერის, ნატალია გაუსევიჩის თქმით, დედაქალაქში არასანქცირებული აქციის 250 მონაწილე დააკავეს.

„მინსკში, მასობრივი შეკრებების შესახებ კანონის დარღვევის ბრალდებით დაახლოებით 250 პირია დაკავებული,“- განაცხადა გაუსევიჩმა.

ბელარუსში საპროტესტო აქციები 9 აგვისტოს ჩატარებული საპრეზიდენტო არჩევნების შემდეგ არ წყდება. საზოგადოების ნაწილი არჩევნების ოფიციალურ შედეგებს არ ეთანხმება, რომლის მიხედვითაც გამარჯვებული ალექსანდრე ლუკაშენკოა. ისინი აცხადებენ, რომ არჩევნები გაყალბდა და ლუკაშენკოს გადადგომას მოითხოვენ.