თურქეთში ბოლო 24 საათში კორონავირუსის 29 281 ახალი შემთხვევა გამოვლინდა და ინფიცირებულთა საერთო რაოდენობა 494 351-მდე გაიზარდა, - ამის შესახებ ინფორმაციას ადგილობრივი მედია ქვეყნის ჯანდაცვის სამინისტროზე დაყრდნობით ავრცელებს.
მათივე ინფორმაციით, ახალი შემთხვევებიდან 6 439 - სიმპტომურია.
ქვეყანაში ვირუსს კიდევ 185 ადამიანის სიცოცხლე ემსხვერპლა და დაღუპულთა რიცხვმა 13 558-ს მიაღწია.
ამჟამად თურქეთში 5 011 პაციენტის მდგომარეობა კრიტიკულია.
რაც შეეხება გამოჯანმრთელებულებს, ქვეყანაში ამ დრომდე კოვიდ 19-სგან 400 242 ადამიანი განიკურნა.