სამოქალაქო აქტივისტების ინფორმაციით, პარლამენტის შენობასთან სამართალდამცავებმა ორი პირი დააკავეს. დაპირისპირება სამართალდამცავებსა და სამოქალაქო აქტივისტებს შორის მას შემდეგ დაიწყო, რაც პოლიციამ აქციის მონაწილეებს პარლამენტის შენობასთან აღმართულ რკინის ჯებირზე საბჭოთა სიმბოლიკის დახატვის უფლება არ მისცა.

„გუშინ წაიშალა რკინის კედელზე წარწერა, სადაც ეწერა „ბიძინას მონებო“. შესბამისად, დღეს სამოქალაქო აქტივისტები ცდილობდნენ ამ წარწერის განახლებას და საბჭოთა სიმბოლიკის დაწერას, რითაც დავასტურებთ, რომ ეს არის ბიძინა ივანიშვილის რუსული მმართველობა. პოლიცია ამაზე გაღიზიანდა. დაკავებულია ნიკოლოზ ნარსია და რუსკა მჭედლიძე“,-განაცხადა ერთ-ერთმა აქტივისტმა ნათათო გიორგაძემ.

ამ დროისთვის, პარლამენტის შენობასთან სამართალდამცავები არიან მობილიზებული.