აკაკი ბობოხიძე - ბატონ ირაკლი კობახიძეს თურმე არითმეტიკა სცოდნია, კარგი იქნებოდა, ეს ცოდნა გამოემჟღავნებინა მაშინ, როცა ხედავდა ცესკო-ს შედეგებს

„აღმოვაჩინე, რომ ირაკლი კობახიძეს თურმე არითმეტიკა და 100-ის ფარგლებში მიმატება - გამოკლება სცოდნია”, - ასე ეხმაურება „ევროპული საქართველოს“ წევრი აკაკი ბობოხიძე ირაკლი კობახიძის განცხადებას.

როგორც ბობოხიძე აღნიშნავს, კობახიძემ „კიდევ უფრო სასაცილო მდგომარეობაში ჩაიყენა თავი“.

„კარგი იქნებოდა, ეს ცოდნა გამოემჟღავნებინა, როცა ხედავდა ცენტრალური საარჩევნო კომისიის შედეგებს, როცა105%, 146% და170% ჰქონდა „ქართული ოცნების“ კანდიდატებს. რაც ყველაზე მთავარია, სწორედ ეს არის ირაკლი კობახიძის და „ქართული ოცნების“ პასუხისმგებლობა, რომ მათ არჩევნები ჩაატარეს ისე, რომ აბსოლუტურად ყველა მონაწილე სუბიექტს აქვს თავისი სუბიექტური დამოკიდებულება და არავის არ აქვს სანდოობა ამ არჩევნების მიმართ. სწორედ ეს არის „ქართული ოცნების“ პოლიტიკური პასუხისმგებლობა, არჩევნები ჩატარდა ისე, რომ არც ერთი სუბიექტის ნდობას არ იმსახურებს.“ - განაცხადა ბობოხიძემ.

ცნობისთვის, „ქართული ოცნების“ აღმასრულებელი მდივნის, ირაკლი კობახიძის განცხადებით, თუ ოპოზიციას დავუჯერებთ, მათ ჯამურად ხმების100% აიღეს, ხოლო„ქართული ოცნება“ არ არსებობს და ის მხოლოდ„ცესკოს ფანტაზიის ნაყოფია“. აღნიშნულის შესახებ განცხადებას კობახიძე„ფეისბუქის“ ოფიციალურ გვერდზე ავრცელებს.

„სააკაშვილი ამტკიცებს, რომ „ნაციონალებმა“ მინიმუმ 35 პროცენტი აიღეს; „პატრიოტები“ ამბობენ, რომ მათ პარტიას მინიმუმ 23 პროცენტმა დაუჭირა მხარი; ნათელაშვილი აცხადებს, რომ სულ მცირე7 პროცენტი აქვს აღებული; „ლელო“ ამტკიცებს, რომ არჩევნების სიღრმისეული ანალიზი ჩაატარეს და მინიმუმ 6- პროცენტი აქვთ მიღებული; ზუსტად იმავეს ამტკიცებს ვაშაძეც, ანუ მისი შედეგიც 6 პროცენტია; „ევროპული საქართველო“ ციფრებს არ ამბობს, მაგრამ ამტკიცებს, რომ არჩევნები სერიოზულად გაყალბდა, ანუ, ლოგიკურად, 3,8 პროცენტის მაგივრად, მინიმუმ 5 პროცენტი მაინც უნდა ჰქონდეთ აღებული; ბურჯანაძე დარწმუნებულია და ამტკიცებს, რომ მისმა პარტიამ 5 პროცენტი აიღო; „გირჩი“ და„მოქალაქეები“ ამბობენ, ჩვენთვის არაფერი დაუკლიათ, მაგრამ„ოცნებამ“ თავისთვის მოიმატაო. ანუ მათი შედეგი 3 და1 პროცენტი რჩება; იმ პარტიებიდან, რომლებმაც ნახევარი პროცენტი და ნაკლები აიღეს, რამდენიმე ამტკიცებს, რომ სინამდვილეში ბარიერი აქვთ გადალახული, ანუ ამ ყველა პარტიას 6-ის მაგივრად, 9 პროცენტი მაინც უნდა ჰქონდეს აღებული.

ახლა რაც შეეხება ჯამს: 35+23+7+6+6+5+5+3+1+9=100”, - წერს კობახიძე.

ვლადიმერ ფესენკო - უკრაინის გარეშე უკრაინის მომავალზე შეთანხმების ნებისმიერი მცდელობები დამარცხებისთვისაა განწირული
დავით თვალაბეიშვილი - ჩვენ მხარს ვუჭერთ ევროკავშირის ენერგეტიკული გაერთიანების მედიაციის გაგრძელებას და მოვუწოდებთ მასში ჩართულ ყველა მონაწილეს, გამოვიყენოთ ეს შესაძლებლობა
ქართული პრესის მიმოხილვა 23.07.2021
თორნიკე შარაშენიძე - ხელისუფლების სერიოზული შეცდომა იყო ვაშინგტონისთვის არასწორი ინფორმაციის მიწოდებაში აშშ-ს ელჩის დადანაშაულება, შესაძლოა, ეს ამბავი მათ მომავალში ცუდადაც კი დაუბრუნდეთ
პირველად საქართველოში - დავით ტატიშვილის სამედიცინო ცენტრში უნიკალური ოპერაცია ჩატარდა
მინერალური წყალი „ბორჯომი“ ახალ კამპანიას იწყებს
„სინერჯი“ თევზის კომპანია „უმალის“ პარტნიორი გახდა
დავით ტატიშვილის სამედიცინო ცენტრმა ამჯერად ახალი ამბულატორიული ცენტრი აჭარის რეგიონში, ბათუმში გახსნა