თენგო თევზაძე - „ქართული ოცნება" ეცდება "სამართლიანი არჩევნების" მიერ დაშვებული შეცდომა სამოქალაქო საზოგადოების დისკრედიტაციისთვის გამოიყენოს

პარალელური დათვლის შედეგების კორექტირებამ „სამართლიანი არჩევნების" რეპუტაცია დააზიანა. „ქართული ოცნება" ეცდება ეს ფაქტი გამოიყენოს სამოქალაქო სექტორის დისკრედიტაციისთვის და მათ მიმართ უნდობლობის განწყობის შექმნისთვის , - ამის შესახებ „სამოქალაქო პლატფორმა 20/20"-ის აღმასრულებელმა დირექტორმა, თენგო თევზაძემ განაცხადა.

მისი თქმით, ასევე მნიშვნელოვანია „სამართლიანმა არჩევნებმა" პასუხი გასცეს საზოგადოებაში მის მიმართ გაჩენილ კითხვებს, კერძოდ, ISFED-ი ადრეც, სხვა არჩევნების პირობებშიც ატარებდა თუ არა მეთოდოლოგიის აუდიტს და თუ ატარდებდა, რა პერიოდულობით; რამდენად არის მეთოდოლოგიასთან დაკავშირებული ინფორმაცია კონფიდენციალური და ხელმისაწვდომი მესამე პირთათვის და თუ იყენებს რაიმე სტანდარტს, ხომ არ ყოფილა მესამე პირების ჩართულობა ამ პროცესში ? ასევე, როდის გახდა საეჭვო და შემდეგ უკვე ცნობილი, რომ შეცდომა იქნა დაშვებული.

„ამ კითხვებზე პასუხის გაცემის შემდეგ ჩვენ გვეცოდინება ზოგადი სურათი. ზოგადად, პარალელური დათვლა არ არის იმის ზუსტი დამდგენი, რამდენად იყო არჩევნები გაყალბებული. PVT ასახავს საარჩევნო უბანზე არჩევნების შედეგების შემაჯამებელი ოქმების მონაცემებს და სპეციალური მეთოდოლოგიის შედეგად ითვლის, მსგავს შედეგებზე დაფუძნებით ქვეყნის დაახლოებით ჯამურ მონაცემს. PVT ვერ ავლენს ამომრჩეველთა მოსყიდვას, დაშინებას, კარუსელს, ოქმების შემდეგ გადაკეთებასა და ათას მავნებლობას, რამაც ბოლო არჩევნები ყველაზე ცუდ არჩევნებად აქცია "ქართული ოცნების" მმართველობის პერიოდში", - განაცხადა თევზაძემ.

მისივე თქმით, „ქართული ოცნება" და მისი მხარდამჭერები აქტიურად ცდილობენ, აღნიშნული შეცდომა გამოიყენონ იმ დარღვევების საპასუხოდ, რომელიც, მათ შორის, „სამოქალაქო პლატფორმა 20/20"-მა დააფიქსირა.

„ხმების პარალელური დათვლა არის და უნდა იყოს სტატისტიკურად უტყუარი, საიმედო მეთოდი, რომელიც საარჩევნო ადმინისტრაციის მიერ გამოცხადებელი ოფიციალური შედეგების (უბნის შედეგების ოქმების შესაბამისად) გადამოწმების შესაძლებლობას იძლევა. PVT ასახავს საარჩევნო უბანზე არჩევნების შედეგების შემაჯამებელი ოქმების მონაცემებს. სამწუხაროა, როცა აღნიშნულ მეთოდოლოგიაში გაიპარა შეცდომა", - განაცხადა თევძაზემ.

ISFED-ის განცხადებით, საარჩევნო სუბიექტების მიერ მიღებულ ხმებთან ერთად, დათვლილ იქნა ბათილი ბიულეტენებიც, რისი გასწორების შედეგადაც საარჩევნო სუბიექტების მიერ მიღებული ხმების პროცენტული რაოდენობა უმნიშვნელოდ შეიცვალა.

აღნიშნულ ინფორმაციას „სამოქალაქო პლატფორმა 20/20“ ავრცელებს.

ვლადიმერ ფესენკო - უკრაინის გარეშე უკრაინის მომავალზე შეთანხმების ნებისმიერი მცდელობები დამარცხებისთვისაა განწირული
დავით თვალაბეიშვილი - ჩვენ მხარს ვუჭერთ ევროკავშირის ენერგეტიკული გაერთიანების მედიაციის გაგრძელებას და მოვუწოდებთ მასში ჩართულ ყველა მონაწილეს, გამოვიყენოთ ეს შესაძლებლობა
ქართული პრესის მიმოხილვა 23.07.2021
თორნიკე შარაშენიძე - ხელისუფლების სერიოზული შეცდომა იყო ვაშინგტონისთვის არასწორი ინფორმაციის მიწოდებაში აშშ-ს ელჩის დადანაშაულება, შესაძლოა, ეს ამბავი მათ მომავალში ცუდადაც კი დაუბრუნდეთ
პირველად საქართველოში - დავით ტატიშვილის სამედიცინო ცენტრში უნიკალური ოპერაცია ჩატარდა
მინერალური წყალი „ბორჯომი“ ახალ კამპანიას იწყებს
„სინერჯი“ თევზის კომპანია „უმალის“ პარტნიორი გახდა
დავით ტატიშვილის სამედიცინო ცენტრმა ამჯერად ახალი ამბულატორიული ცენტრი აჭარის რეგიონში, ბათუმში გახსნა