შსს - აჭარის მთავრობის სახლთან აქციაზე ადმინისტრაციული წესით 6 პირია დაკავებული

ბათუმში, აჭარის მთავრობის სახლთან მიმდინარე აქციაზე სამართალდამცველებმა ადმინისტრაციული წესით 6 პირი დააკავეს. ამის შესახებ „ინტერპრესნიუსს“ უწყების პრესსამსახურში განუცხადეს.

დღეს ბათუმში, ოპოზიციამ მორიგი საპროტესტო აქცია გამართა. აქციის მონაწილეები აჭარის მთავრობის სახლთან შეიკრიბნენ და მთავრობის თავმჯდომარე, თორნიკე რიჟვაძესთან შეხვედრა მოითხოვეს. მოგვიანებით, აქციაზე სამართალდამცველებსა და აქციის მონაწილეებს შორის სიტყვიერი და ფიზიკური დაპირისპირება მოხდა.

აჭარის პოლიციის დეპარტამენტის უფროსის, კონსტანტინე ანანიაშვილის განმარტებით, აქციის მონაწილეები ტერიტორიის დატოვების თაობაზე სამართალდამცველების კანონიერ მოთხოვნას არ დაემორჩილნენ და პოლიციელებს ხელს უშლიდნენ. მისი თქმით, არეულობის შედეგად ასევე ერთი სამართალდამცველი დაშავდა.

ცნობისთვის, აჭარის მთავრობის სახლთან ოპოზიცია საპროტესტო აქციებს პერიოდულად მართავს. აქციის მონაწილეები არჩევნების შედეგებს არ აღიარებენ და აცხადებენ, რომ აჭარაში არსებულ პრობლემებზე სასაუბროდ თორნიკე რიჟვაძესთან შეხვედრა სურთ.

იხილეთ ვიდეო:აჭარის მთავრობის სახლთან აქციაზე ხმაური იყო - დაკავებულია რამდენიმე პირი

კახა გოგოლაშვილი - როცა სტაბილიზაციისკენ მიმართული ნებისმიერი კონსტრუქცია ინგრევა, იქ სამოქალაქო დაპირისპირების საფრთხეც არსებობს
ქართული პრესის მიმოხილვა 29.07.2021
ლევან ალაფიშვილი - ოპოზიციამ მიუტევებელი შეცდომა დაუშვა, როცა პლებისციტი თვითმმართველობის არჩევნებზე მიბმულ პროცენტში გაცვალა
რა უპირატესობები აქვს სამსუნგის სმარტფონს ოფიციალური ჰოლოგრამით?
სიახლე PSP-სგან - ფრანგული დერმატოლოგიური კოსმეტიკის ინოვაციური ბრენდი SVR უკვე საქართველოშია
გაყინული კრემიდან „თოლიას“ რეცეპტებამდე, ანუ ყველაფერი, რაც ნაყინის შესახებ უნდა იცოდე