მსახიობი კახი კავსაძე კორონავირუსისგან გამოჯანმრთელდა. ამის შესახებ „ინტერპრესნიუსს“ მისმა ძმამ, იმერი კავსაძემ განუცხადა. მისივე ინფორმაციით, მსახიობი საავადმყოფოდან გუშინ გაეწერა და სარეაბილიტაციო პერიოდს სახლის პირობებში გადის. ვირუსისგან გამოჯანმრთელდნენ თავად იმერი კავსაძე და მისი მეუღლეც.

„კორონასგან გამოჯანმრთელდა, ახლა უკვე სარეაბილიტაციო პერიოდი სახლში უნდა გაიაროს და სახლის პირობებში მაქსიმალურად უნდა გავუფრთხილდეთ. რომ გითხრათ, გადასარევად არის-თქო, ძნელია, რადგან ორი კვირა მწოლიარეა, მაგრამ ყველაფერი კარგად წავა“, - განაცხადა იმერი კავსაძემ.

ცნობისთვის, კახი კავსაძე კლინიკაში 28 ნოემბერს გადაიყვანეს. ის მკურნალობას თბილისის სახელმწიფო სამედიცინო უნივერსიტეტის პირველ საუნივერსიტეტო კლინიკაში გადიოდა.

იხილეთ ვიდეო:კახი კავსაძე კორონავირუსისგან გამოჯანმრთელდა