ნუგზარ წიკლაური - პარტიის თავმჯდომარის პოსტზე რამდენიმე კანდიდატურა იქნება, ყველა იცნობთ მათ - იმედი მაქვს, არჩევანი შეჩერდება ადამიანზე, რომელიც შეძლებს ბრძოლის სწორად ორგანიზებას

"ნაციონალური მოძრაობის" წევრის ნუგზარ წიკლაურის განცხადებით, პარტიის ახალი თავმჯდომარის თანამდებობაზე რამდენიმე კანდიდატურა განიხილება, რომლებიც ყველასთვის კარგად ნაცნობი სახეები არიან და აქტიურად არიან ჩართულები პოლიტიკურ პროცესებში.

როგორც მან „პალიტრანიუსის“ გადაცემა "დღის ნიუსრუმში" განაცხადა, პარტიის ახალ თავმჯდომარეს ყრილობაზე აირჩევენ.

მისივე თქმით, ჯერჯერობით უცნობია, თუ როდის აირჩევენ პარტიის ახალ თავმჯდომარეს.

„ ასეთი თარიღი ჯერ არ არის გამოცხადებული. პოლიტსაბჭოს სხდომაზე არ აირჩევა თავმჯდომარე, ყრილობაზე ავირჩევთ. ალბათ, უახლოეს დღეებში იქნება სამდივნო შეკრებაც, პოლიტიკური საბჭოს შეკრებაც. ჩვენ გვაქვს ურთიერთობა, ვხედავთ რა მოსაზრებები არის პოლიტიკურ საბჭოში, შემდეგ უკვე, რა თქმა უნდა, ავირჩევთ ახალ თავმჯდომარეს. ჩემი ინფორმაციით, ამ პოსტზე რამდენიმე კანდიდატურა იქნება, ვნახოთ რომელ კანდიდატურას უფრო მეტი ადამიანი დაუჭერს მხარს.

არის რამდენიმე ადამიანი, თქვენ ყველა იცნობთ ამ ადამიანებს, ეს ადამიანები აქტიურად არიან ჩართულები პოლიტიკურ პროცესებში. ახლა არ ვისაუბრებდი პერსონალიებზე, მაგრამ ასეთი ადამიანები არსებობენ, მათ შორის, იქნება არჩეული ის ადამიანი, რომელსაც უკეთ შეუძლია პარტიის წინაშე მდგომი ამოცანების გადაწყვეტა“, - განაცხადა წიკლაურმა.

მისივე თქმით, პარტიის ახალმა თავმჯდომარემ უნდა მოამზადოს წინააღმდეგობის მოძრაობა დიქტატორი მმართველის წინააღმდეგ.

„ იმ პირობებში, როდესაც უარი ვთქვით საპარლამენტო მანდატებზე, უმთავრესად ვთვლი, რომ ამ პარტიის თავმჯდომარემ და ახალმა პოლიტიკურმა ჯგუფმა უნდა მოამზადოს აქტიური წინააღმდეგობის მოძრაობა ავტორიტარიზმის და დიქტატორი მმართველის წინააღმდეგ, ეს არის ძალიან მძიმე, სერიოზული და საპასუხისმგებლო სამუშაო.

მე იმედი მაქვს, რომ ჩვენი არჩევანი იქნება შეჩერებული ისეთ ადამიანზე, რომელიც შეძლებს გარდაქმნების განხორციელებას და ბრძოლის სწორად ორგანიზებას“,-აცხადებს ნუგზარ წიკლაური.

კახა გოგოლაშვილი - როცა სტაბილიზაციისკენ მიმართული ნებისმიერი კონსტრუქცია ინგრევა, იქ სამოქალაქო დაპირისპირების საფრთხეც არსებობს
ქართული პრესის მიმოხილვა 29.07.2021
ლევან ალაფიშვილი - ოპოზიციამ მიუტევებელი შეცდომა დაუშვა, როცა პლებისციტი თვითმმართველობის არჩევნებზე მიბმულ პროცენტში გაცვალა
საქართველოს ეროვნული უნივერსიტეტის და SEU DEVELOPMENT-ის ერთობლივი საჩუქარი SEU-ს სტუდენტს და ოლიმპიურ ჩემპიონს, ლაშა ბექაურს
ქართული ეროვნული მაუწყებლების მიერ ფასიანი ტრანზიტის მოთხოვნასთან დაკავშირებით საქართველოს საკაბელო ტელევიზიების კავშირი განცხადებას ავრცელებს
განახლებული ფორმატითა და მიზნებით - Setanta Sports-ი მაუწყებლობას 13 ქვეყანაში იწყებს
ჩაერთე სილქფესტის შეთავაზებებში და გაიაქტიურე დიდი მოცულობის ინტერნეტ და სასაუბრო პაკეტები
"ტანტა" და თერაპიის ცენტრი "გრადაცია" - Social Impact Award 2021-ის ფინალისტები ინკლუზიური მისიით
რა უპირატესობები აქვს სამსუნგის სმარტფონს ოფიციალური ჰოლოგრამით?
სიახლე PSP-სგან - ფრანგული დერმატოლოგიური კოსმეტიკის ინოვაციური ბრენდი SVR უკვე საქართველოშია
გაყინული კრემიდან „თოლიას“ რეცეპტებამდე, ანუ ყველაფერი, რაც ნაყინის შესახებ უნდა იცოდე