საქართველოს საგარეო საქმეთა მინისტრის მოვალეობის შემსრულებელმა დავით ზალკალიანმა თავის ლიეტუველ კოლეგასთან, გაბრიელიუს ლანდსბერგისთან სატელეფონო საუბარი გამართა. ამის შესახებ ზალკალიანი Twitter-ზე წერს.

"მქონდა მეგობრული სატელეფონო საუბარი ჩემს კოლეგასთან. მე მას მივულოცე საგარეო საქმეთა მინისტრის თანამდებობაზე დანიშვნა და მასთან ერთად განვიხილე საქართველოსა და ლიეტუვას შორის თანამშრომლობის გაღრმავების შესაძლებლობები", - წერს დავით ზალკალიანი.

მისივე განცხადებით, დიპლომატებმა ხაზი გაუსვეს კოვიდ პანდემიასთან ბრძოლის პროცესში გაერთიანებული ძალებით მოქმედების მნიშვნელობას. ამასთან, განიხილეს საქართველოში ჩატარებული არჩევნები და იმსჯელეს პარლამენტის გამართული ფუნქციონირების მნიშვნელობის შესახებ.