ნათია თურნავას ინფორმაციით, სავალუტო ფონდმა საქართველოსთვის 113,7 მილიონი დოლარის ოდენობით მორიგი დახმარება დაამტკიცა

საერთაშორისო სავალუტო ფონდმა გაფართოებული დაფინანსების მექანიზმის ფარგლებში, საქართველოსთვის მორიგი დახმარება 113,7 მილიონი დოლარის ოდენობით დაამტკიცა, - ამის შესახებ ეკონომიკის მინისტრის მოვალეობის შემსრულებელმა ნათია თურნავამ უწყებათაშორისი საკოორდინაციო საბჭოს სხდომის დასრულების შემდეგ განაცხადა.

მინისტრმა აღნიშნა, რომ საქართველო სავალუტო ფონდისთვის სანდო პარტნიორია. “საერთაშორისო სავალუტო ფონდის მორიგი აღმასრულებელი საბჭოს სხდომა შედგა, დასრულდა საქართველოს მორიგი მიმოხილვა, ძალიან დადებითი შეფასება მიიღო საქართველოში გატარებულმა რეფორმებმა, ასევე კოვიდპანდემიასთან ბრძოლის ეფექტურმა სტრატეგიამ. აღინიშნა, რომ მომავალი წელი იქნება ეკონომიკის აღდგენის წელი და გაიზრდება სულ მცირე 4,3%-ით ჩვენი ეკონომიკა და შედეგად სავალუტო ფონდმა დაამტკიცა გაფართოებული დაფინანსების მექანიზმის ფარგლებში მორიგი დახმარება საქართველოსთვის 113,7 მილიონი დოლარის ოდენობით და შეგახსენებთ, რომ საქართველო არის დიდი ხნის ტრადიციული და სანდო პარტნიორი სავალუტო ფონდისთვის და სავალუტო ფონდის მხარდაჭერა არის ერთ-ერთი გარანტია იმისა, რომ ჩვენ როდესაც დაგვჭირდება დონორთა საზოგადოება დაგვეხმარება ჩვენ, როგორც ეს მოხდა პანდემიის დაწყების ეტაპზე”, - განაცხადა თურნავამ.

ვლადიმერ ფესენკო - უკრაინის გარეშე უკრაინის მომავალზე შეთანხმების ნებისმიერი მცდელობები დამარცხებისთვისაა განწირული
დავით თვალაბეიშვილი - ჩვენ მხარს ვუჭერთ ევროკავშირის ენერგეტიკული გაერთიანების მედიაციის გაგრძელებას და მოვუწოდებთ მასში ჩართულ ყველა მონაწილეს, გამოვიყენოთ ეს შესაძლებლობა
ქართული პრესის მიმოხილვა 23.07.2021
თორნიკე შარაშენიძე - ხელისუფლების სერიოზული შეცდომა იყო ვაშინგტონისთვის არასწორი ინფორმაციის მიწოდებაში აშშ-ს ელჩის დადანაშაულება, შესაძლოა, ეს ამბავი მათ მომავალში ცუდადაც კი დაუბრუნდეთ
პირველად საქართველოში - დავით ტატიშვილის სამედიცინო ცენტრში უნიკალური ოპერაცია ჩატარდა
მინერალური წყალი „ბორჯომი“ ახალ კამპანიას იწყებს
„სინერჯი“ თევზის კომპანია „უმალის“ პარტნიორი გახდა
დავით ტატიშვილის სამედიცინო ცენტრმა ამჯერად ახალი ამბულატორიული ცენტრი აჭარის რეგიონში, ბათუმში გახსნა